الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> مصر >> أحمد فؤاد نجم >> جائزة نوبل

جائزة نوبل

رقم القصيدة : 315 نوع القصيدة : عامي ملف صوتي: لا يوجد


شوف عندك يا سلاملم

واتفرج يا سلام

مواطن

شخص عادي

مالوش أي اهتمام

ومبارك الخيانه

ومسميها السلام

وف يوم قرا الجرايد

تاريخ ما اعرفش كام

من يومها يا ضنايا

بيشقلب فى الكلام

واتفرج يا سلاملم

على شقلب يا سلام

لما محانم جيبن يا دخ

زايجة لوبن

يعنى مناحم بيجن

ياخد جايزة نوبل

تبقى النوديا

يعنى الدنيا

ماشيه بتحدف بالمندار

يبقى الشهر اتناشر ساعه

يبقي اليوم

ليلتين ونهار

يبقى القاتل

شخص ضحية

والمقتول مجرم جبار

شفتوا إزاى ؟

أما صحيح الطب اتقدم

وحنا ما وصلتناش أخبار

أيوه يالجنة لوبن بيه

قاعدة ازاى بتلجنى إيه

أنا مش فاهم حاجه صراحه

لما القاتل يا خد جايزه

كده من دون تلبيخ وأباحه

يبقي

يا إما اللجنه دى بايظه

أو لا مؤاخذه

رئيسها حمار

يبقي يا لجنه يا عره يا كوسه

جتنا وجتكو ستين حوسه

يبقي ف هذا الزمن المايل

ياما حتجري علينا هوايل

تبقي اللكلمه بدل الكلمة

والكاتب يمسك منشار

يبقي الراعش

يعنى الشاعر

يسكن شقه ف بيت

فى قصيده

يكتب فول

ياكل أشعار



القصيدة السابقة (شقع بقع) | القصيدة التالية (التحالف ( يعيش أهل بلدي ))



واقرأ لنفس الشاعر
  • أبجد هوز ( سايجون)
  • نيكسون جاء
  • الخواجة الأمريكاني
  • الأقوال المأثورة
  • شقع بقع
  • الندالة
  • التحالف ( يعيش أهل بلدي )
  • استغماية
  • الثوري النوري
  • لما سألتك
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت