الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> الكويت >> حامد زيد >> الأوّلي والتالي

الأوّلي والتالي

رقم القصيدة : 80657 نوع القصيدة : عامي ملف صوتي: لا يوجد


جا نهار ما ارحمتني جيته وقدومه شفت فيه الناس واجد واقفين اقبالي
كنت احسب انها حقيقة والعرب ملمومه وقمت افضفض عن همومي واشتكي غربالي
ويوم زال الحزن عني وانجلا بغيومه واثرني ما غير اسولف بالخلا بلحالي
من عذابي قمت اعزي قصة مرحومة ولعت بيدين خلي وانطفت بهمالي
قصةٍ لدت عيون صويحبي من نومه يوم شلت الموت بيدي وابتلوا عذالي
ما رضيت اكسر غلاي وما قدرت ارومه وعاذلي ما صد عني وما قوى منزالي
إبتليته لين جتني خنجر مسمومة وابتلاني لين جاب الاولى والتالي
والله انه ما عذلني لين شق هدومه ولين خانتني عزومي وانكسر تمثالي
والا انا ما كنت ابين لا أمطرت ديمومة بالمدامع من فراق المخلصين امثالي
كنت اوقف واتذكر نفخة اليشمومة واذكر اني كنت غالي في عيون الغالي
واحد كانت نسايم سيرته بسمومه وكان كل ما شاف ظلمي بالهوى يلجالي
ذاك والله كل ما أرسل في حشاي سهومه انتهى ليل السكينة وأبتدا زالزالي
ووالله اني كل ما اسمع سيرته وعلومه قمت اشوف الموت الاحمر واقف بظلالي
واشهد اني كل ما اسهى وافتكر برسومه وما وعيت الا وانا ارمي غترتي وعقالي
ليت ربي يحتميه ويحرسه ويدومه يومه اقرب من عروقي للجسد بوصالي
وليتني لما عرفته ما عرفت خصومه وما وقعت بظلم ناس ماوراهم والي
العذول اللي حرمني حاجة مقسومة ليه يحرمني قهوتي(والدلال دلالي)؟
وليه يسأل في غرامي وان بغيت اسومه؟ دام صار الجيب جيبي والريال اريالي
والله ان العشق شي يستحق القومة واشهد ان عيون خلي تستحق افعالي
يكفي انه لا نظرلي نظرة محشومة يرتجف كفي ويوقع من يدي فنجالي
وان لمحت بطرف عينه دمعة مكتومة جيت كلي من عذابي عالي متعالي
وان تبوسم لي بعينه والشفا مضمومة والله ان مدري وش اللي بعدها يجرالي
ليت يومي قبل يومه أو معاه بيومه وليت حاله غير حالي دام هذا حالي
إن غفيت الليل جتني بالمنام حلومه وان صحيت الصبح ناسي سيرته يطرالي
والله ليبطي وعيني تسهره وتقومه والله ليبطي عذولي ما يفك حبالي
دامني لا زلت احبه واعشقه بهمومه بذكره مع كل خطوة حللت ترحالي
بذكره مع كل ليلة مظلمة مشؤومة نزلتني في حشاه ورفعت منزالي
وبذكره مع كل دمعة نوخت بكمومه وعلمتني بان قدري في غرامه عالي
وبذكره مع كل نظره بائسة مظلومة حسستني بانه اخر من نوى يصفالي
وبذكره كا ما نسيته وان ذكرت سلومه قمت اشوف الناس واجد واقفين قبالي
وان حسبت انها حقيقه والعرب ملمومة ما تحكمت بسكوتي لين طال جدالي
ويوم زال الحزن عني وانجلا بغيومه واثرني لا زلت اسولف بالخلا بالحالي



.

القصيدة السابقة (الشعراء) | القصيدة التالية (أدلّعها وأولعهـا )



واقرأ لنفس الشاعر
  • غدر الخناجر
  • خطاك السو
  • الليال السرمديه
  • حد علمي
  • أدلّعها وأولعهـا
  • المملكه عندنا غير
  • رسالة رثاء
  • أثني عشر شهر
  • القدس
  • فخر الامجاد
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت