الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> السعودية >> علي السبعان >> العطر والمنديل

العطر والمنديل

رقم القصيدة : 81509 نوع القصيدة : عامي ملف صوتي: لا يوجد


على طاري زمان (ابها) زمان العطر والمنديل تذكرتك وانا والله لوصلك ماني بناسي
تذكرتك ومحتاجك ولكن الزمان بخيل بخيل و مو بخيل وبس لا والله بعد قاسي
أجل لولا كذا ما يحرم العتمه من القنديل ولا يجبرني اتغرّب عن دياري وعن ناسي
انا وقتي شرا منّي سنيني المقفيات الحِـيل وبدّلها بما سوّد مقابيلي وكرّاسي
قصيد ٍ كلّما قلته احسّ انه حكاية جيل وبعض الناس لا سمْعِه حسَبْني شاعر سياسي
قصيدٍ لا سمعه الغـرّ من شِدّة طربه يْميل عساه القوم ، متسلطن ، وهو مو فاهم احساسي!!
أنا ما همّني مبسم قصَب سكّر وطرف كْحيل ولا آبي من حطبهم غير عود ٍ يقطعه فاسي
ولو مالت طوال النخْـل،انا ماني براعي نْخيل كفاني من بنات الرمل مربوعه على قياسي
بنيت الحلْم من طوب الكلام اللي يقال وقيل وطاح الحلم من دوني وطاحت دونه انفاسي
أغنّي!! وِلْــ مَن؟وصوت الكناري ما يصحّي الفيل على العكس اكتشفت اني بديت اراود نعاسي
انا من حقّي ارميهم حجارة شِعْـر من سجّيل وهم من حقّهم يبنون قبري من حجَر ياسي
خذتهم لعبة التلقين والتسكين والتشكيل شغلْهم عن ذهب حرفي رنين اخطاي ونحاسي
وانا لوني من اللي يعرفون المسْح والتقبيل أبد ما طِحْت والاّ بالقليله طِحْت متواسي
ولكن عيبي ، او أكبر عيوبي ، أكره التضليل ولا استر من عيوبي شيْ سوى ما يستر لباسي
بلاي اني ما احب مْن الشِعِـر ما يسبقه تطبيل ما احب من الكلام الاّ الثقيل الراكز الراسي
مااحب ابني على ساسٍ تحت ساسه تراب يْهيل احب ابني على ساس ٍ صليبٍ مثلما ساسي
مااحب من الجمال اللي لَعَـب به مشرط التجميل ولااحب من الثياب اللي بصدره خاتم الكاسي
مااحب من البنات اللي تجيد الرقص والتمثيل ولااحب من الضيوف اللي يغثّ قلوب جِلاّسي
اطوّح صافي النيّه بوجه الشك والتأويل أطوّق جيد الِمْهِمّه كذا،واعلّق أجراسي
خلقت وفي يدي سيف وعلى صوتي نقوش صْهيل ولكن وش يفيد السيف دام الخصم في راسي؟!!



.

القصيدة السابقة (ألف نيلة ونيلة) | القصيدة التالية (يابعد راس العزيز)



واقرأ لنفس الشاعر
  • هاجس الخوف
  • لاتسوّد
  • يابعد راس العزيز
  • فتنة
  • أكبر من قصيدة
  • .......!
  • سيدي
  • عزّ !
  • عيشي وحيدة !
  • بنت عمي
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت