الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> السعودية >> محمد الأحمد السديري >> حنا من المعروف تندا يدينا

حنا من المعروف تندا يدينا

رقم القصيدة : 82065 نوع القصيدة : عامي ملف صوتي: لا يوجد


إن صار زود المال بيدين الانذال حنّا من المعروف تندا يدينا
وان كانهم شرهوا على طيب الافعال حنّا وردنا جمامها وارتوينا
وان فكّروا للجود يمشون رحّال حنّا قبل يمشون يّمه خطينا
يا ما لبسنا للشرف كل سربال وعلى البسيطة للفضيلة مشينا
في دوحة العربا لنا مجد وظلال وحنّا على در المكارم غذينا
لو نجمع اللي فات منا من المال إن كان شيدنا القصور وبنينا
نعطي ولا نتبع عطانا بالاقوال ونبذل ونسكت كننا ما عطينا
وان باعوا الشيمة بدينار وريال حنا دخلنا سوقها واشترينا
نطلع لها لو هي على روس الاقذال لو هو عسير ٍ دربها ما انثنينا
بافعالنا نرسم دروب ٍ للاجيال إلـي نساها غيرنا ما نسينا
أسود سادات ٍ تسجل للاشبال فضايل ٍ شمنا لها واهتدينا
بيض ٍ نسجلهن جديدات وسمال حفايظ ٍ لاحفادنا اللاحقينا
نصبر على الشّدات لو شيلنا مال لو سال دم دفوفنا ما شكينا
نخاف يلقى سدنا كل ختّال . ويبني هزيلات المعاني علينا
الليل يا خالد على والدك طال وهنّيت ناس ٍ بالكرا نايمينا
يا عز راسي شفت ما خبث البال شـي ٍ يهوّل شيّب الجاهلينا
شي ٍ من اسبابه يشيب بالاطفال فطّر خشوم مهجرعات الحنينا
أدير قالات ٍ عريضات وطوال قـالات خلنّ المخفىّ يبينا
منهن رزين العقل بالوقت يهتال بوقت ٍ عبوس ٍ فطّن الغافلينا
وقت ٍ من اسبابه شكى كل ريبال نصبر ونسكت كننا غايبينا
الناس بالأيام راحل ونّزال وتفجعهم الدنيا وهم دالهينا
وحيات رب ٍ نزل آيات الانفال عالم خفايا نية الحاقدينا
ما اترك طريق العدل في كل الاحوال لـو يرحل المريخ للفرقدينا



.

القصيدة السابقة () | القصيدة التالية (يا عاذلين القلب )



واقرأ لنفس الشاعر
  • يا فزعة المظيوم
  • غنيت ما قصدي طرب
  • ما من خطا
  • قلب صفق
  • يقول من بايات فكره تكلم
  • اللي سلب مكنون عقلي من اقصاه
  • حي الكتاب
  • لولاه ما روضت نفسي
  • دار خلت
  • هذا الفراق
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت