الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> السعودية >> محمد الأحمد السديري >> انادم اللي رفقته ترفع الراس

انادم اللي رفقته ترفع الراس

رقم القصيدة : 82168 نوع القصيدة : عامي ملف صوتي: لا يوجد


ان جا ينادمني وضيع من الناس صديت عنه وقلت منتب نديمي
ماهوب كبر وكل ناس لها اجناس وعندي عزيز النفس دايم حشيمي
للكبر والله ما توشحت بلباس بكتب التواضع ناجح بتعليمي
انادم اللي رفقته ترفع الرأس وياقف معي دايم بوجه الخصيمي
ان كبرت القاله والارياق يباس يظيم عدوانه ولا يستظيمي
وعندي ليا شفت المناعير جلاس انا لهم بايات فكري كليمي
ولا قارب الخايب ولا كل بلاس اللي على نقل النمايم فهيمي
نشدتني تقول بالقلب هوجاس قلت أي نعم ما فيه حي سليمي
يابو محمد كن ما عندي اوناس اليا خفق فكري بشيء عظيمي
اغيب كني وسط ظلمات الادماس واناجي الرب العظيم الكريمي
اناجي الخلاق قطاف الانفاس الواحد اللي فوق عرشه مقيمي
عز الله اني بالهواجيس غطاس وعزي لمن هو في بحرهن يهيمي
يا بندر الجبرين يا معرب الساس اخلصت لك حيثك نديم حليمي
العالم الله ما هرجنا بالادناس والله بما يخفي فهيم حكيمي
ولادن في جلساتنا حافة الكاس ولا نخوض بكل هرج ذميمي
واللي نوده قطعت عنه الارماس ذكراه مثل احلام ليل بهيمي
وقت النضا قفا وقفن الافراس وحتى زهور الورد صارت هشيمي
والنمر مخلد عقب ما هوب فراس والبوم عقب الذل صبح عديمي
وديك الدجاج معلق فيه الاجراس والصقر في صكات وقته سقيمي
وابو حقب حصل بالايام موماس الحر غاب وصار عقبه زعيمي
وين الرجال مروية كل عباس اهل المهار اللي تعط الرهيمي
اقفوا كما غيم تقفاه نسناس ولا حدن بها الدنيا مقيم مديمي
كم اوحد في لجة العيب غطاس يفوت عمره في ظلاله بهيمي
من الذهب لو هو خزن طرم الاكياس جن من كريم وحرم منها اليتيمي



.

القصيدة السابقة (أرى الدار ) | القصيدة التالية (يا ناشد العراف )



واقرأ لنفس الشاعر
  • لا وا عشيري
  • ذابت الروح
  • فات الشباب ولا بقى فيه لذات
  • البارحه يازبن بالقلب هوجاس
  • يبعد هموم القلب
  • حار قلبي
  • ما لوم قلبي
  • حل الفرقا
  • يامرحبا يلي على البعد ناديت
  • فتى بني وايل
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت