الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> السعودية >> خلف الكريع >> القنبلة

القنبلة

رقم القصيدة : 83693 نوع القصيدة : عامي ملف صوتي: لا يوجد


الشمعه اللي تطفي بقلبي .. وتسهر بحدقي كم حلم رفرف حولها مثل الفراش .. و .. تحرقه؟‍‍
والشيبتين اللي قبل عامين زارن مفرقي كانن ضيوف وصارن الليله قبيله مطلقه
والصاحب اللي كنت اظنه صاحبٍ شهم ونقي وشلون طاوع نيّته في مثلي وخان الثقه؟؟؟
اللي ليا ثار الرصاص بدرع صدري يتّقي كم طعنةٍ خذيتها عنّه وكم خَذْت فشقه
اهديته حصاني ولبّسته شدادي وبندقي ومن يوم مالفيت له ظهري رماني بطلقه
واخلجةٍ تكفخ هنا بين الظلوع وتلتقي يعوي لها ذيبٍ بصدري طول ضيمه يرهقه
ويفوح منها الدم بعروقي ويشتد عرقي وتفزع لها من محجري دمعة عزيزٍ وشهقه
على زمانٍ يمتحن صبري وانا رجلٍ تقي ماقد سمع في قول : (( راع الحلم لا ثار اتّقه ))؟؟‍‍
كني معه بندق وهو ورعٍ وماذاق فشقي يلعب على زنادي وانا استجديه وينك يازهقه؟؟
حتى ليا ضيّق على بالي هك الورع الشقي وردته مْن الموت لين اشوف دمه غرقّه
ورثت من جدي الوفي الصادق المتصدقي غير اسمه الشامخ نباه وطيب راسه وحْذِقَه
يوم انه يقول اسمع العلم الصحيح الاوثقي ترى اطيب القول اصدقه .. ترى اجزل الشعر اعمقه
ترى الشوارب ياولدي نوعين خلك حاذقي شارب دسمْهْ فْعوله وْشارب فعوله تحلقه
اتذكّر وصاته : (( خلف(4) .. لا مت قبرك بشْنِقي )) وانا وصاتي يالنشاما تقبروني بشْنِقه
لا ياسماوات التعب ضكي عليّه واطبقي واللّه مارجى منْك لا رحمه ولا اروم شْفقه
لو تدعسين ظلوعي العوجا فلا اقول ارفقي وانا ولد من ينتخي فيها الدخيل وتعتقه
لازلت امارس رغبتي في ليْلَكِيّّة غَوْسقي لو كفّروني شعبك وقالوا : (( تمادى بفْسِقَه ))
ولو دخّلوني في قفص للإتهام الزئبقي ولو حاصروا صوتي وجرّوني لحبل المشنقه
قولي لهم هذا خلف(4) شمسي وروعة مشرقي والشمس سنتها ليا غابت تجينا مشرقه
لو يحتظر شاعر زمانه طيّب اذكاره بقي قولي ترى محدٍ على موت الشريفين سبقه
وقولي لهم كان رفضوا صدقي وعابوا منطقي مثلي يموت الفين موته قبل يخسر منطقه
جيت احمل اوراقي وتاريخي وسحري وعبقي شَرَنْبَثٍ(1) عَشَمْشَمٍٍ(1) ماااا اشمخه ماااا أوثقه
الأبْيَن(2) الأرِيْبْ(3) والمتشعّب المتدفّقي وليا حكى ما ابلغه .. ما أجزله .. ما أصدقه
هذا انا اللي خانني شعري ومزّقني ورقي من غيري اللي مزّقه شعره ونزفه وورقه
لا ينخدع من يلمح اقماري بعطري ورونقي لو يفتح ظلوعي عرف كم هالاماني مْمَزقه
ولا يهمك سوسني ياغادتي واتفتقي مثل الزهور بقلب رعّاد المفارق فتّقه
لميني بعاطر وصالك لين اسافر لاعمقي في ليلةٍ تمطرني بوجهك واغوصه واغرقه
ودي بعد هذا التعب والبعد ليله نلتقي واتفقّد اغصانٍ على العهد اخبرها مورقه
ياخجلة الميعاد يالوزة غلاي وفستقي جيت اقطف اللوزه من شفاهك واعض الفستقه
صبي على سكر شفاهك خمر ريقك والعقي بلسانك المعسول سكرتك وهاتيه العقه
ولا تبعدي الرمان عن ضيفك ترى طبعه نقي شاعرْك يامضناي مايمد ايده الا لشنقه
على حطام السالفه جيت اغري الما بغرقي باسم النهايات الحزينه والجروح المحرقه
ياللي فرحت بغيبتي وش كنت ياشين تهقي ماهو بانا اللي يرمي لمثلك طريق العملقه
الله رماك بدربي ودربي لمثلك مغلقي مكتوب فوق اول مشاويره : (( لخطوه واثقه ))
حسبك تحاول تفهم افاكري وتدرك منطقي حاول تعرف الحزن فيني يتم؟؟ ولا زنْدّقه؟؟؟
‍‍كن ضمن هالغاوون بس احذر رعودٍ تبرقي تجلي طشاش الفكره اللي مثلك انت وتفهقه
قصيدتي وين النهاية والخيال المورقي مامر من جنبه جمال الا تنحنح وسرقه
يسرق من الدنيا خيلات وخياله يُسرقي لاتلوم من يسرق من فْتاتك ترى الله رزقه
ياصقر ماهمك غرابٍ كل ماله ينعقي قل ياصقر لا طار من تحتك فديته مااحمقه
وياالاشدخ(1) اذ ترعى الأتان بغابتك واذ تنهقي ارفق ترى من جهلها جت تعبث بهالمنطقه
جيت اعتق السحر الحلال .. اغسل رفوفك يازهقي المنطقه ياصاحبي مُحاصره ومطوّّقه
غير الكلام وغير كل الشعر جيتك باصدقي نزفتها بالتو واللحظه بوقفه صادقه
من اربعينيّة عروقي لاربعين مفارقي جيت وجبيني ينضح بشمس الأصيل الرايقه
تمّت دهاليز الشموخ وإختصارات الرُقِي سميتها ب((القنبلة)) لا شوكه ولا مطرقه
ضمن ارتجالات الشعور اللي يفضفض بقلقي توقيعها الشاعر خلف(4) .. وبختم دمّي مْصَدّّقه

(1) الشَرَنْبَثْ والعَشَمْشَمْ والأَشْدَخْ : من أسماء الأسد .

(2) الأبْيَنْ : الأكثر بياناً وفصاحة ، الأكثر وضوحاً .

(3) الأَرِيْب : الحكيم ، الماهر ، والذكي المُتبصِّر .

(4) خلف : النافض عنه بقايا النفث بِمُبَارك الرُقى .




.

القصيدة السابقة (بنت الأكابر ) | القصيدة التالية (عيد الأطفال)



واقرأ لنفس الشاعر
  • لانامت عيون الجبناء
  • ثروة الحزن
  • وادي الأصوات
  • بنت الأكابر
  • ربعي الخالي
  • عيد الأطفال
  • طفلة غزة ( هدى )
  • طُهر الأيادي ( يمّه )
  • اسطورة الحسن
  • تعال
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت