الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> السعودية >> حبيب العازمي >> ثوب وعمامه

ثوب وعمامه

رقم القصيدة : 83998 نوع القصيدة : عامي ملف صوتي: لا يوجد


سلام الله على راع المقام اللي جلوسه فيه يشرف من يراه ومن وقف خلفه وقدامه
شرف وأكبر شرف وإيشرف أقطار العرب طاريه ملكنا اللي عسى الله يحفظه ويطوّل ايامه
ملكنا اللي عسى الله يحفظه ويعزه ويحييه له من المجد هامه عاليه ومن الشرف هامه
حبيب الشعب عبدالله وباسمه فخرنا نسميه وباسمه نلبس انواط الشرف والعز ووسامه
ويكرمنا ويغلينا وحنا كلنا نغليه غلاً يسمو على كل الغلا باسمائه واحجامه
ملك وبخدمة البيت العتيق مشرّفه واليه وخدمة مسجد محمد رسول الهدي وإمامه
ترى فضله علينا بعد فضل الله ما نحصيه من سكاكا إلى جيزان للدمام وتهامه
ولو نجمع عبارات الثناء والشكر مانوفيه على عطفه على لطفه على خيره على إكرامه
لنا واللي علينا سابق بالفضل وش نجزيه ولو نملك كنوز الارض محدٍ تمم إتمامه
عطا من لدن جود اللي عطانا من عطا معطيه إله شرفه بأعظم شرف فالكون وأقوامه
رعاك الله بعينه يامحب الشعب ياراعيه يابو متعب يابونا ياذرى الاسلام وحسامه
وحماك اللي بعونه كل شبرٍ فالوطن تحميه وحنا في يديك وفي يديك الامر وازمامه
ملكنا ياملك كل القلوب وحبها حاويه وقلبٍ مايحبك ياعسى ينسد صمّامه
الك منا الوفا ولعضدك اللي يحفظه باريه ولي العهد نعم العضد قد وند لخصامه
يابوخالد ياهداج الكرم ياكثر من تسقيه بجود من سماء جودك سحابه تمطر اكمامه
هذا البين وغير اللي ذخر للآخرة تخفيه والا ياكم بيت من عطاك اعتاشوا ايتامه
جزاك الله خير وانت راع الخير واتسويه مقابل حسنة اللي له صلاة العبد وصيامه
فالله الثناء منا ومن بعده نبا نثنيه لإبو متعب وابو خالد خوال الجود وأعمامه
سلائل من جمع شمل تشتت والجهل يطويه رحمك الله يامن شمل الامه جمع أقسامه
للا الله ثم للا عبدالعزيز اصل الجهل يفنيه ولاكن الحكيم اللي حكم بالعدل وأقامه
بنا شعب وبنا دوله ومجد شأنه معليه بتوحيد الاله ونصرة الاسلام واعلامه
رضي بالعدل للأمه وغير العدل مايرضيه وهاذا من كرم ربي عليه وقوة الهامه
الا يالله وانت الله ماغيرك حدٍ نرجيه تعطر قبر ابو تركي بمسك وترحم اعظامه
وترحم من لحق به من عياله والخلف تبقيه وتحفظ موطن الاسلام وآل سعود حكامه
هل العوجاء ونعم العزوة اللي مالها تشبيه كعام المعتدي وإن دفه الشيطان لكعامه
ملوك مجدهم ماهوب هدوا من العرب تهديه ملوك مجدهم بالسيف مبدى الامر واختامه
ملوك تنصر المظلوم وتوحد على معاديه حرار من قديم الوقت لعدوان لطامه
فدى لملوكنا وبلادنا باعمارنا نفديه نبيع اعمار دونه ولغلا موت سوامه
تحت راية هل التوحيد والحاسد عمى يعميه وخشم طاير فيه العرام نطير عرامه
رجال ولا نبيع العهد لكن بالوفا نشريه واذل الله قوم بالوفا بالعهد لوامه
وحنا للسلام وللزحام اليا دعا داعيه ولو ننزل تحت بحر يجي عمقه مية قامه
وحنا مانخون العهد والخائن عسى تبكيه هنوفٍ كن نقطة من قلم في خدها شامه
ونفخر بالشهيد من الامن والعايش نحييه ياحيه من شجيعٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ساهرٍ فالليل مانامه
وشهيد الواجب اللي قدر الله منتهاه اليه عسى ملبوسه الرحمه من الهامه اليا اقدامه
وحنا الامن بعد الله وهذا الارض ما نصخيه هذا الموطن وحنا ابناه واحفاده وخدامه
ولا نسأل عن التكفير والتظليل كيف وليه مدام ان اليهودي يحسد المسلم على إسلامه
واعلام العالم المغرض ترانا صم مانوحيه ولو عبر الفضاء والنت بث وروج افلامه
رجال الدين تكرم عن هل التظليل والتشويه خسى من يفتري فالدين لا ماهو بعلاّمه
يخيل له يفقهنا وهو يحتاج له تفقيه لكن انغر في نفسه وديكوره وهندامه
لك الله ما يحسفنا ولو يموت ما نرثيه لكن اللي يحسفنا شعاره ثوب وعمامه
برياً منه الاسلام وبري منه ما يعنيه مابه مسلم يشيل الموت للاسلام بحزامه
مابه مسلم بلاذنب يحلل سفك دم اخيه مابه مسلم على نفسه يصدر حكم بإعدامه
ابد ما احد يجاوبك بنعم يامفتري ياهيه ترى نفسك مع الشيطان فالاوهام عوامه
ومن بادر لباب التوبه اللي تنقذه يمديه ولايمديه يقدر يستغل مخطط إجرامه
عساها عبرة للمعتبر وتصير له تنبيه اكيد الله مايظلم لكن الناس ظلامه
لعل اللي غلط غلطه يتوب وغلطته تكفيه ما عاد يعود بعد إنه عليها بصم ابهامه
هذا و الله يدبر مايريد ومن يشاء يهديه ومن لايعبد الله يعبد الشيطان واصنامه



.

القصيدة السابقة (مسرحيّه ) | القصيدة التالية (حنّا سعوديين)



واقرأ لنفس الشاعر
  • س .. ش
  • مسرحيّه
  • m.b.c
  • قبلان الشراري
  • حنّا سعوديين
  • هيبة ملك
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت