الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> عمان >> أحمد العلوي >> الحلم الجميل

الحلم الجميل

رقم القصيدة : 84518 نوع القصيدة : عامي ملف صوتي: لا يوجد


أعتذر يابنت برحل وإسمحي لي بالرحيل هالمسا ذابت ضلوعي والمشاعر تحتضر
يادفا برد الليالي ، ونشوة الحلم الجميل طاح حلمي اللي رسمته في غرامك وإنكسر
هالمسا صمت الحنايا ثار يصرخ مستحيل كيف ذاك الحب كلّه في ثواني يندثر؟؟
كيف عمري اللي رخصته للغلا وأغلى خليل ترخص أيامه وترحل في شقى حبك هدر؟
مات ذاك اللي جمعنا هالمسا وأضحى قتيل هذا هو جثمان حبك والحنايا له قبر
جبّت لك أصغر عروقي للغلا نبض ودليل يمكن إحساسك يصدّق بعّدها إنه خسر
إيه خسر حب ٍ كبير ٍ وافي ٍ ماله مثيل إيه خسر قلب ٍ تمنّى من بساتينك زهر
أعتذر ماجيت أعاتب..للعتب مافيني حيل بس جيت أهديك دمع ٍ من هدب عيني إنحدر
أدري إن الدمع يفضح صاحب القلب الأصيل والمصيبه إن قلبي ماله عالفرقى صبر
دمعة الفرقى مريره صدّقي لمّا تسيل ودمعتي تجرح عيوني..بس يامقسى القدر
من عرفني يعّرف إني صاحب البال الطويل ويعّرف إني طول عمري شايل هموم وكدر
ماهقيت إن المشاعر ترتجي جود البخيل لين شفت القلب يطلب من سحب حبك مطر
قلب عالعزه تربّى عمره مايصبح ذليل والمذله صدّقيني مالها بقلبي مقر
ماهي من عادة خفوقي يطلب إحسان وجميل ولا أنا منهو يدوّر للعطا وقت وعذر
يوم أنا أعطيت عمري بالوفا شفته قليل كيف عاد اللي تمنّع بالغلا يعطي شهر
المحبه لو تلامس عالي النخله تميل كيف قلبك هالمحبه خلّت إحساسه حجر
البحر من فيض حبي صار مثل السلسبيل والغريبه كان حبك مالح ٍ مثل البحر
لا تظني الغدر ممكن للوفا يصبح بديل ماهو قلبي اللي يبدّل هالغلا زيف وغدر
ضاع عقلك صدّقيني بين قال وبين قيل وغرّتك دنيا الأماني والهدايا والشعر
صار قلبك من غروره مع سخافاتك يميل لين صارت في عيونك قيمتك تسوى عشر
الغرور اللي تملّك نشوة إحساسك دخيل كان قلبك مثل طفل ٍ في عباراته طهر
الدهر لاشك إنه ياشقى قلبي كفيل يفتح عيونك على اللي فيك سوّاه الدهر
هذي هي أسباب بعدي والتجافي والرحيل إكتشفت إن المشاعر في غرامك تحتضر
أعترف إنك بعمري كنتي لي حلم ٍ جميل بس حلمي في غرامك هالمسا شوفي إنكسر



.

القصيدة السابقة () | القصيدة التالية (الشمروخ )



واقرأ لنفس الشاعر
  • عالم الأحباب
  • مخطوبه
  • زمّل
  • أطهر جروح الغرام
  • سلطان القلوب
  • راعي البوش
  • يا آنسه
  • مرثية
  • المترفه
  • الشمروخ
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت