الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH
الأولى >> قطر >> حمد بن عبدالله بن حذيف النعيمي >> في قطر

في قطر

رقم القصيدة : 84681 نوع القصيدة : عامي ملف صوتي: لا يوجد


الشعر لحان وقته تبتدين والبدايه باسم ربي لا جحود
والله انك ياقطر تستاهلين القصايد والهدايا والورود
شوفي الفرحه على عيني تبين يوم عيدك ياعسى عيدك يعود
ياكثر منهم بحبك مغرمين وما يلام اللي يحبك يالعنود
الغلا محفوظ من ذيك السنين يوم جاسم بالعمر دونك يذود
يومها بالخيل ربعي حاضرين لدعانا واجبك جينا وفود
انشدي سويحان كانك تجهلين وانشدي خنّور من ذيك الأسود
وانشدي الوجبه وتلقين اليقين ذبحة العسكر ووقفات الصمود
بكتب التاريخ لو كنتي تبين واتركيه ان كان ماعندي شهود
الزمن يرحل وحنا راحلين والفعل يبقى على ارض الخلود
بس باقي بالقصيده كلمتين دام غيم الشعر يرزم بالرعود
بهدي الغالي واظنك تفرحين شيخنا اللي لاح نجمه بالصعود
دنعي راسك على الكتف اليمين احترام وفوقه التقدير زود
وانعمي بالخير من كف الأمين كلنا لأمره نجي حسبة جنود
في بحر حبّه اخافك تغرقين واسأل الله يقلع عيون الحسود
وابله لهل طاب وتشربين واشهد انه بالعطا ماله حدود
القصايد دايم بذكره تزين والدعا له بالركوع وبالسجود
ماهي بفرحه ثراها فرحتين عيدك وعهده عسى عزه يسود



.

القصيدة السابقة (لا تعتذر ) | القصيدة التالية (وعد )



واقرأ لنفس الشاعر
  • ربيع المشاعر
  • ما تذرف الدمع عين
  • منهو انا ..؟!
  • وحدة من الناس
  • احمر العقد
  • مريم
  • صباحك عيد
  • يتوق شعري
  • ان جيت
  • حصن العرب
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت