| ودي اهني كل سمرا أصيله |
مادربت يدها على رنعة الطار
|
| عنها قناع الستر عيّت تشيله |
يوم الحراير همهن سهرت البار
|
| اللي حصل ماهو بحاجه قليله |
ياكبرها طيحة طويلين الأشبار
|
| البارحه مكّين واعزتي له |
جابوا عشاه ويحسبه وجبة افطار
|
| من حط ساره مستشار ودليله |
من عارها يجلب على نفسه العار
|
| ياما سهرنا ننتظر كل ليله |
والبارحه شفنا الحدث عبر الأقمار
|
| باراك اوباما فوزته مستحيله |
موقف يخلي راعي العقل يحتار
|
| اسود بدار البيض ماله وسيله |
لعبة سياسه حسب الأموال تندار
|
| لحدن يقول انه بها شد حيله |
الا الكراسي تنشرى برفع الأسعار
|
| خذا الرياسه والرياسه ثقيله |
واصبح يسمونه زعيم اكبر اقطار
|
| والمشكله قامت تهاني تجيله |
قبل القسم تسبق على شي ماصار
|
| وفي موطنه الأصلي ظهر له قبيله |
ماهمها ذ الحين من كشف الأسرار
|
| هاذي مواري للقيامه جليله |
فيها حديث المصطفى سيد الأخيار
|
| اسود وساد بحكم امه سليله |
تحته تنكس روسها كل الأحرار
|
| يمكن على بعض المراتب فشيله |
اللي لها في ذروة المجد مقدار
|
| ومادامنا صرنا بذا الكون عيله |
لابد ما نمشي مع سيّد الدار
|
| ياكثر ما شفنا من الوقت ميله |
واحلامنا في صفوة الروس تنهار
|
| مات الحصان وما نسينا صهيله |
ليته حيا واللي قضت بعض الأعمار
|
| اللي على امة محمد دخيله |
تجار هرج وبالخيانات شطار
|
| من راح منا مالقينا بديله |
قمنا انتخبط بين عميان الأبصار
|
| وليلاك يا قيس الملوح ذليله |
تبكي على اللي لأنتخت ياخذ الثار
|
| والسالفه فيها المعاني طويله |
وعلى المصالح تجتمع كل الأشوار
|
| وكل ٍ يباري بالمواقف عميله |
حتى ولو فيهم نصارى وكفار
|
| عالم يرقصنا على هز ذيله |
واحنا نقول الحكم دايم للأقدار
|
| دورة رياسه ماوراها حصيله |
لحدن على اساسها يبني جدار
|
| ياليل لا تسقي البحر عذب سيله |
الجو عاصف والسما مملي غبار
|
| لا تغدر بساريك وتبوق خيله |
وقف ثرى رجلي على حد محدار
|
| حاسب على بعض العواطف نحيله |
اخاف يجرفها مع الوقت تيار
|
| اسهرتني والنفس شفها عليله |
تخربطت الأوراق من كثر الأفكار
|
| يامسوّي الفنجال زوّد بهيله |
ودور محطة فن ما تنقل اخبار
|
| تظهر عليها كل شقرا جميله |
لشفتها العوماس عن خاطرك طار
|
| وقرب لنا غوري كرك يازميله |
واعزف على عود الهوى حلو الأشعار
|
| جلسة وناسه ما تناسب خبيله |
ولا تناسب خالي الذوق ثرثار
|
| والمشتحن باللعب ربك كفيله |
اذا حضر شفت الشياطين حضار |
