| لقيت من غيّر أوضاعي وتقريري |
ساقه نصيبي وليت الحظ ماساقه
|
| اللي نكب كل تخطيطي وتدبيري |
ودخل بساتين قلبي وأحرق أوراقه
|
| حاسبني الله في بخلي وتبذيري! |
وأرسلي اللي لها الأرواح تواقه
|
| نسيت معها يابو خالد مشاويري |
وسجيت مابين رفع الرمش وإطراقه
|
| ياشبه وضحاً تلاعبها العصافيري |
في روض عشبٍ عليه السحب دفاقه
|
| بياضها ناصعٍ بين المغاتيري |
مزنة خيالٍ عليها الشمس لهاقه
|
| من دونها تقصر فلوس الهواميري |
منتوقة العنق مزيونه وعملاقه
|
| ماجوبها للمزاين والمداويري |
ولاشافها الحاسد الله يقطع أرزاقه
|
| مشهورة الزين تضحك بالمشاهيري |
معها صكوكه وتوقيعه وميثاقه
|
| أسطورة العصر حطمت الأساطيري |
تفوز في مهرجان الزين وسباقه
|
| لونفرض أرخص ثمن وأقل تقديري |
تسوى من الغا ليات (400) ناقه
|
| حلفت بالله مايطرح وسمها غيري |
إلا إن حظي تقيصروالدهر باقه
|
| ماني بالأول ولاتال المناعيري |
والأدمي دبرته بيدين خلاقه |
