| الجرح ما هو خاطر شوي ويروق |
الجرح حتى لو تشافى يعلمك
|
| و إذاك متحمس متاهات وطروق |
أنا تعبت أشد حيلي وأحولك
|
| سماي ما شي . شمس ورعود وبروق |
والريح ما هبت ولا يجري الفلك
|
| والقلب ناشف بحر وشقوقه شقوق |
اشلون بيكود سحاب ويبللك
|
| يا ضامي أنا أضمى ومشبع حروق |
وإذاك ضامي للمواصل أنا هلك
|
| هلك وقف في وجهي الأصل والذوق |
والمجتمع والعرف والفقر وأهلك
|
| متعومس وحزن النبلاء مرموق |
يعني لو أحتاج لك ما جيت أسألك
|
| إلي علي أشكي وأعتبك بروفق |
وأقولك ودي ما عاد أتأملك
|
| من دورة الأيام يا خوك مخنوق |
الوقت مشاني من السلك للسلك
|
| أزل خطوة بس ما زل منطوق |
ولو صارت أبحب خشمك وأجاملك
|
| يبقى البني أدم مجرد ومخلوق |
ملك ولكن في الحقيقة بلا ملك
|
| والناس عوق الناس والدرب مسبوق |
تتعب على أشياء في الأخر مهي بلك
|
| كذاب ، قايل كل مطرود ملحوق |
سنين وأنا أطردك وأزريت لوصلك
|
| كنك تطيش وكني أدور في طوق |
كل ما وصلت أخرك يطلع لي أولك
|
| يا ليت ما في خاطري شوق وفروق |
ما كان حسيت . إنما بس منك
|
| كلك الشوق ماهو رعشة وقبضة عروق |
ماهو إلي من شينك في عينك يجملك
|
| ماهو شعور يخالج الروح برفوق |
وماهو سحرولا أدري والله شاقول للك
|
| كنه سحابة حلم وطير بك فوق |
وطير ولا ودك إنها تنزلك
|
| الشوق هذا ولا أنا شوقي البوق |
ما قد حصل في شوق هذي ولا تلك
|
| تدري وإيش اسوي إذا اضناني الشوق؟ |
أسوي بعيوني كذا وأتخيلك
|
| وأقربك وأتوق وأتوق وأتوق |
وأكثرك و أحلف ما عاد أقللك
|
| وأصورك في الموق وتكبر على الموق |
وطيح مع دمعي على أيدي وقبلك
|
| هذا غلاي إلي مع الدم مدقوق |
ولا عاد تسأل عن شعوري ، بزعلك
|
| محبةٍ ماهي من طارف السوق |
لو إنك توكل كان والله لأكلك
|
| جيتك حقوق ورحت ما عندي حقوق |
وإن قلت ما حبك أبجحد مواصلك
|
| أحبك ، إلا يا بري حالي وعوق |
من كثر ما أحبك أخاف إني أقتلك |
