الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> مصر >> ميسرة صلاح الدين >> صعب أتحرك لوحدي

صعب أتحرك لوحدي

رقم القصيدة : 89108 نوع القصيدة : عامي ملف صوتي: لا يوجد


صعب أتحرك لوحدى

صعب فعلا صدقيني

مدى دراعاتك خدينى

خرجينى من سكوتي

أطلقي العصافير فى صوتي

نهر جارف

قلبي مش قادر يجازف

قلبي متجمد فى جلدة

حتى لما بيعلا مده

يستحي يلمس خضارك

من زمان وأنا فى انتظارك

ألف ضحكة وألف ليلة

شهرزاد يا أم الضفيرة

حلى شعرك فوق كتافى

وردة حمرة

تقصر المسافات ما بينا

فاكره يوم لما أتقابلنا

بنت حلوة

وشاب مليان بالأماني

بس مهر الحب غالى

وأنتي غالية

دا أنتي أغلى من وجودي

ساكنة أبعادى وحدودي

حتى ساكنة تحت جلدى

راضية أم حتى ما ترضى

مدى ايديك

واضحكيلى

كل شىء جوايا يضحك

كل شىء حوليا يضحك

والسما والارض تضحك

ينكسى قلبى بربيعك

والحنين يشرق فى عينى

لو تجينى

قلبى فى وجودك يسمى

ثم يذكر

كل حاجة رابطة بنا

فاكرة يوم لما اتقابلنا

قد ايه كان يوم جميل

قد ايه الليل طويل

وانتي غايبة

وانتي حاضرة

فى اى حتة بعيدة عنى

رايحة فين دا الشوق قتلنى

إرجعيلى ومدى ايدك

يتصل قلبى بوريدك

وأحضنك بأيدين خيالي

شعرك المفرود ليالى

خدني ليكى

قلبي سلمته لعنيكى

وأنتي قلبك كان بيحدى

صعب اتحرك لوحدى ..



القصيدة السابقة (سؤال وخلاص) | القصيدة التالية (كتالوج )



واقرأ لنفس الشاعر
  • ذكريات
  • توب الدموع
  • كتالوج
  • الحلم البايت
  • ضعفي العزيز
  • حطب النار
  • شباك خجل
  • غراب
  • الجمال الحمر
  • زي رحمة ربنا
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت