الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> العراق >> مظفر النواب >> جرس عطله ..! (باللهجة عراقية)

جرس عطله ..! (باللهجة عراقية)

رقم القصيدة : 1507 نوع القصيدة : عامي ملف صوتي: لا يوجد


مالَه أحٌد شغُل بيه.. جرس عطله

حيل أدكَ نوبات وحدي !!

أبجي وحدي .. أحجي وحدي

آخذ المدرسه عُرض إبطول وحدي

أطفه وحدي بلايه أحٌد وأشتعل

جرس منٌي وبيٌه وحدي أشتُغُل

كَِلتْ أكَضي الظلٌنْ إمن أيامي

أتفرٌج

إمنْ الشباج عالدنيه وهلها

ولَنْ بالشبيبيج الكَبالي إتِلَجلَجْ

كَامَه من بَلوٌر

شِكلَتني إمنْ عيوني شَكِلْ!!

غَمٌضيتْ إبربع جَفٌي

وبثلثْ ترباع شفت الدنيه مزروعه كُفُر

مشمش حلو ..

ورمان ...

وفَر بيه الخِصِر فرٌة حِجِلْ !!

صِحِتْ سبحانَك شَكَلٌكْ ؟ ؟

كُفُر .. وجَنٌه .. وشِتا

وصيف .. وربيع

!! إبجَسَد واحد

مِنْ سمَعني المشط من إبعيد

إتمَركَص إتمُركَص عالهَوه

وعضٌاني ..

بسْ عضٌة طفل

عَضْ بعَد .. عَض بعد

يابَعَد روحي

تلفَنتْ للجنٌه من شبٌاجَك الجدٌام بيتي

وبالغَلَط فَرٌيت رقم النار بيٌه

فُر بعَد .. فُر بعَد

بس فُر عَدِلْ

مالَه أحٌدء شغُلْ بيٌه

جرس عطلَة صيف ومتاني المدارس

أدِكَ وحدي بلكن إيكَطعَنْ العطله

ويشتِهَن دكَاتْ كَلبي

كِل كَصيبه إتكَلٌك آنه

وكل خصِر محبَس عرس ويكٌَلٌك إلبَسْ

وإنته نازع نفسَك إمن إزمان

وتلملم سَكتٌكْ

جيت للدنيه نزِلْ .. ومسافر ألله وياك

للسلطه نزِلْ

ياجَرس يالعِشتْ وحدَك

ساكت إمن أيام ماواحد يسمعَكْ

تعَبْ ؟ ؟ لو مَلٌيتْ

لو رنٌاتك الحلوات

ماعادَنْ بنات التكي والزعرور يلتَمٌن عليها

ياحسافه ياجرس

كل ساع رنٌاتك عرس

بس الوكت كلٌشْ نحس

كلٌشْ نحِسْ


موقع أدب (adab.com)



هل أعجبتك القصيدة؟ اضغط زر (اعجبني) لتشارك آلاف المعجبين




اقترح تعديلا على القصيدة
أضف القصيدة إلى مفضلتك
أرسل القصيدة إلى صديق
نسخة مهيئة للطباعة



القصيدة السابقة () | القصيدة التالية (جسر المباهج القديمة)


واقرأ لنفس الشاعر
  • بيان سياسي
  • براءة الأم
  • فؤادي مملوء بالخمر وبالحزن
  • الأساطيل
  • عروس السفائن
  • من الدفتر الخصوصي لإمام المغنيين
  • قصيدة من بيروت
  • طلقة ثم الحدث
  • باب الكون
  • المساورة أمام الباب الثاني



  • بحث عن قصيدة أو شاعر في ديوان الشعر الفصيح
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    أخبر صديقك | من نحن ؟ | راسلنا

    صلاح عبدالصبور قاسم حداد محمود درويش محمد جبر الحربي نزار قباني  مظفر النواب محمد الماغوط أحمد مطر أحمد عبدالمعطي حجازي أدونيس عبدالوهاب البياتي عبدالرحمن العشماوي عبدالعزيز المقالح سميح القاسم





    Follow Jawal_Adab on Twitter

    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com