الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> العراق >> مظفر النواب >> زرازير البراري

زرازير البراري

رقم القصيدة : 64155 نوع القصيدة : عامي ملف صوتي: لا يوجد


حن وأنا حن

و انحبس ونة ونمتحن

مرخوص بس كت الدمع

شرط الدمع حد الجفن

...

جفنك جنح فراشة غض

و احجاره جفني و ما غمض

يال التمشي بيا ويا النبض

روحي على روحك تنسحن

حن بويه حن

حن عمي حن ...

..

..

عيونك زرازير البراري

بكل فرحها بكل نشاط

جناحها بعالي السحر

و الروح مني عوسجة بر

ما وصل ليها الندى

و لا جاسها بقطرة المطر

وصفولي عنك يالنباعي تفيض

و تعليت ليلة ويا القمر

وصفولي عنك كل مسامة تفيض منك عطر

يالحسنك نهر..

تنزل بصدري ويا النفس

و بدمي غصبن تنعجن

و أشهق و اصعدك للسما

بحسرات و بعنة حزن

حن.. حن بوي حن

..

**********

شفافك ولا كولن ورد .....

عنابه معكودة عكد

تمتلي بكد ما تنمرد

لا هي دفو ولا هي برد

أنا بوصفها راح اجن

حن بوي حن

***************

سكتاتك تشكل خواطر بالقلب ...

مالي عرف بيهم كبل

مبروم برم الخياط يا ريان

و الخوصر خصر لف العقل

كل كلمة منك ...

نبعة البردين .. بالدلال ...

ما تحمل ثكل

وصفولي عنك

وردة من قداح ريش جناح

زاهي بالسحر

وصفولي عنك

شال منك غيظ بستان الورد

والنرجس الرايج سكر

حنو طواريز ولحن ...

و حنة حمامات السجن

حنة إلي ...

و حنة إلك ...

واللي يعجبه خلي يحن

حن بويه حن

*************

آنه من أشوفك

يمتلي الماضي الجدب

زهرات بيض من الوفه

وروحي سواجي من الحنين تصير

وأتنبه وكت بيها غفه

يا محجل إن مريت بيه ردود

أرد أردود بالعشرين ....

من عمر الجفه

وأنصف عمر منك

فما أنصفت إلا بالهجر ...

والهجر منك ما كفه

حتى الهجر يا روحي

منك ما كفه

وكلبي عله هجرك دوم يحن

حن ...

وآنه حن

وأنحبس ونه ...

ونمتحن

مجبور أرخصك على الدمع

شرط الدمع حد الجفن


موقع أدب (adab.com)



هل أعجبتك القصيدة؟ اضغط زر (اعجبني) لتشارك آلاف المعجبين




اقترح تعديلا على القصيدة
أضف القصيدة إلى مفضلتك
أرسل القصيدة إلى صديق
نسخة مهيئة للطباعة



القصيدة السابقة (أفضحهم) | القصيدة التالية (قمم)


واقرأ لنفس الشاعر
  • الرحلات القصية
  • براءة الأخت
  • اللون الرمادي
  • بيان سياسي
  • أفضحهم
  • قصيدة من بيروت
  • يوميات عروس الإنتفاضة
  • دوامة النورس الحزين
  • مرثية لأنهار من الحبر الجميل
  • قل هي البندقية أنت



  • بحث عن قصيدة أو شاعر في ديوان الشعر الفصيح
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    أخبر صديقك | من نحن ؟ | راسلنا

    صلاح عبدالصبور قاسم حداد محمود درويش محمد جبر الحربي نزار قباني  مظفر النواب محمد الماغوط أحمد مطر أحمد عبدالمعطي حجازي أدونيس عبدالوهاب البياتي عبدالرحمن العشماوي عبدالعزيز المقالح سميح القاسم





    Follow Jawal_Adab on Twitter

    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com