الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> مصر >> أحمد فؤاد نجم >> هما مين واحنا مين

هما مين واحنا مين

رقم القصيدة : 323 نوع القصيدة : عامي ملف صوتي: لا يوجد


هما مين واحنا مين

هما الامر والسلاطين

هما المال والحكم معاهم

واحنا فقرا ومحكومين

حزر فزر شغل مخك

شوف مين فينا بيحكم مين

احنا مين وهما مين

احنا الفعلا البنايين

احنا السنه واحنا الفرض

احنا الناس

بالطول والعرض

من عافيتنا تقوم الارض

وعرقنا يخضر بساتين

خزر فزر شغل مخك

شوف مين فينا

بيخدم مين

هما مين واحنا مين

هما الامرا والسلاطين

هما الفيلا والعربيه

والنساوين المتنقيه.. طبعاً

حيوانات استهلاكيه

شغلتهم حشو المصارين

حزر فزر شغل مخك

شوف مين فينا بياكل مين

احنا مين وهما مين

احنا قرنفل على ياسمين

احنا الحرب حطبها ونارها

احنا الجيش اللى يحررها

واحنا الشهدا ف كل مدارها

منتصرين او منكسرين

حزر فزر شغل مخك

شوف مين فينا بيقتل مين

هما مين واحنا مين

هما الامرا والسلاطين

هما مناظر بالمزيكه

والزفه وشغل البولوتيكا

ودماغهم طبعا استيكه

بس البركه فى النياشين

حزر فزر شغل مخك

شوف مين فينا بيخدع مين

هما مين واحنا مين

هما الامرا والسلاطين

هما بيلبسوا اخر موضه

واحنا بنسكن سبعه ف اوضه

هم بياكلوا حمام وفراخ

واحنا الفول دوّخنا وداخ

هم بيمشوا بطيارات

واحنا نموت في الأوتوبيسات

هم حياتهم تمضي جميلة

هم فصيلة واحنا فصيلة

حادي يا بادي يا عبد الهادي

راح تفهم قصد الغنوة دي

لمّا الشعب يقوم وينادي

يا احنا يا هم في الدنيا دي

حزر فزر شغل مخك

شوف مين فينا حيغلب مين!!!



القصيدة السابقة (الندالة) | القصيدة التالية (أبجد هوز ( سايجون))



واقرأ لنفس الشاعر
  • تخيل لي الأماني أن حظى
  • استغماية
  • التحالف ( يعيش أهل بلدي )
  • تذكرة مسجون
  • الثوري النوري
  • شقع بقع
  • الندالة
  • الأقوال المأثورة
  • بروق
  • الخواجة الأمريكاني
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت