الشعر الفصيح | الشعر العامي | أدباء العرب | الشعر العالمي | الديوان الصوتي | ENGLISH

الأولى >> مصر >> سمير الأمير >> ماتفك حزنك بقى ؟!

ماتفك حزنك بقى ؟!

رقم القصيدة : 83952 نوع القصيدة : عامي ملف صوتي: لا يوجد


ساعات باحس ان الكلام اللى ف عنيك

عكس أحزانك

وعكس الإشارات اللى بتولع

وبتطفى من غير ما تعرف ليه

مش مشكله إنك بتمشى منتشى

والرصيف تحتك مفلق!

الكارثه إنك بتحسدنى على إحساسى بيك/

بالعيل المدبوح عياط!

مع إنى شايف صورتك المقلوبة بتعدل نفسها وتبان

وكأنك انت امتداد الحزن والحيره

استنى لحظه لما ارسمك على وشى

والبد شويه ف كدبك اللى مصدق الخيبه..

العسكرى المجنون قسمنى

بقاله مليون سنه عمال بيجرى

وفجأه نط جوه عنيك

آه يا حلاوة عنيك

كأنهم متفصلين على مقاس العسكرى

يا هلترى حينفدوه على فين؟

إياك تقول إن العساكر دموع

وان البياده صوت إيقاع

أنا جتتى نحّست وكفايه إنى لسه مستنيك

بنيه صافيه كأنك جاى مش رايح.

ما تفك حزنك بقى وتبطل هوايتك البايخة

اللى حبساك فى ادعاء الفرح

عيط مع الواد الصغير كأنه هوه أبوك

عيط كمان واغسل عنيك

خد المرايه وبص فى شكلك

ثم استعد تكون عكس اللى باين

بالظبط زى ما كنت من مليون سنه

قبل اختراع النضارات والأحزمة

قبل البياده المجرمة

ماتترسم فوق العلم.



القصيدة السابقة (كدبنى يا كداب) | القصيدة التالية (نص الوطن عسكر)



واقرأ لنفس الشاعر
  • المكان قانا والزمان قبل القنبلة
  • ردح شعبي من تراث القهر
  • غمض عنيك
  • كدبنى يا كداب
  • اه يا شطوط التوت
  • الفيلسوف
  • صورة
  • ألحقها وعيشها بجد
  • المصرى كان فصيح
  • شلفطه
  • موقع أدب (adab.com)


    اقترح تعديلا على القصيدة
    اضف القصيدة إلى مفضلتك
    أرسل القصيدة إلى صديق
    نسخة مهيئة للطباعة

    بحث عن قصيدة أو شاعر في موسوعة الشعر العامي
    عرض لجميع الشعراء | للمساعدة
    احصاءات/ آخر القصائد | خدمات الموقع | قالوا عن الموقع | مفضلتي الخاصة

    شعراء بلدك؟ | أخبر صديقك | راسلنا

    فهد عافت بدر بن عبدالمحسن الحميدي الثقفي أحمد فؤاد نجم محمد بن راشد آل مكتوم  صلاح جاهين نايف صقر عمر الفرا جوزيف حرب معز بخيت ضيدان بن قضعان سعد الحريص محمد الأحمد السديري محمد ابن فطيس


    جميع الحقوق محفوظة لموقع "أدب" ، ويجب مراسلة الإدارة
    عند الرغبة في نشر اي نصوص أو معلومات من صفحات الموقع.
    Copyright ©2005, adab.com
    برمجة قهوة نت