دخول
تسجيلمسافرة خلاس
Apr 10, 2022 05:41 AM Apr 10, 2022 05:41 AM
1- مسافره خلاسْ ! ونحنَ الدوبنا يا دوبْ جينا شايلينْ فى العُيونْ أمطارْ وجايينْ من ليالى الشوقْ ودايرِنكْ تكونى نهارْ وجيناكْ قُلنا نبقى سَوا ونكون للحبْ أهلْ وديارْ وجيناكْ شانْ تكونْ ريدتنا للعُشَاقْ وطنْ ومزارْ عشَانْ الدنيا تبقى حديقه من أطفالْ .. ومنْ أطيارْ تقومى تسافرى ! شِنْ يَبْقَالنَا مِنْ بَعْدِكْ وشِنْ يَبْقَالنَا من أشعارْ ! -2- مسافره خلاسْ ! ولكينْ كيفْ مُنو البِكرِمْ مَعَايا الضيفْ مُنو البِرْكِزْ معاىْ فى الحاره فوق القيفْ مُنو البتحدى فى تَالاَيا بردَ الليلْ وحرَ الصيفْ مُنو السَّوانى أبقى جميلْ بَعَدْ ما كتَ زىَّ الطيفْ بحبِكْ أيوه يا حليوه لأنكْ لىْ دُعاشْ وخريفْ لأنكْ لىْ وَطنْ جايى من التاريخْ ... بحدَّ السيفْ
الكاتب: سيد أحمد الحردلو
0المفضلة
14718 المشاهدات
0 تعليقات