دخول
تسجيلتالي نهار
Jan 7, 2021 11:34 AM Jan 7, 2021 11:34 AM
تالي نهار وعاتق الشمس مذبوح والوقت لو تدرين للوقت ذباح كن السما صوتً من الذعر مبحوح والليل خيلٍ سود للضي تجتاح وسحايبٍ فوق الشفق كنها قروح على جبينٍ ما شكى كثر ما طاح لاذت عصافير المسا في ذرا الدوح وتنفس سراج الوهن بين الألواح حبيبتي ضاق الفضى وين باروح وان رحت ظلم النفس للنفس ما راح مجروح ماهو هم لو قلت مجروح يالله عسى ما اصير في قلبك جراح تبسمي برقٍ على ثغرك يلوح بشد له مدام في العمر مـرواح غزيت وجه الصبح من غير مصلوح وانكفت دون الشمس هقوات ورماح
الكاتب: بدر بن عبدالمحسن
0المفضلة
73486 المشاهدات
0 تعليقات