دخول
تسجيلعيونك والعتيم
Jan 7, 2021 11:34 AM Jan 7, 2021 11:34 AM
إنتى عيونك والعتيم .. سبحان رب خالقه قصيدة لشاعر قديم .. عاشق وماحد صدقه ومن كثر ما غبتي عليه .. جمع قصيدة وشققه إنتى عيونك سالفه .. سمعتها ليلة سفر واثنين مروا بعاصفه .. وضيعوا نجمة وقمر ومن يومها كثر الظلام .. وراح السحاب وبارقه إنتي عيونك هالمدى .. بحر وطيور مهاجرة تركت في شطه صدى .. صوتٍ تجرح آخره ليتك سمعتي صرختي .. بالحيل كانت صادقه إنتى عيونك نجمتين .. ضي ٍ ورا ضي ٍ يعود ويادوب غابوا ليلتين .. خلو شموس الكون سود رحتي ولا ظنك تجين وين الوعد يامفارقه إنتى عيونك والعتيم .. سبحان رب خالقه قصيدة لشاعر قديم .. عاشق وماحد صدقه ومن كثر ما غبتي عليه .. جمع قصيدة وشققه
الكاتب: بدر بن عبدالمحسن
3المفضلة
103457 المشاهدات
0 تعليقات