دخول
تسجيلإحساسك إيه ؟!
Jan 7, 2021 11:34 AM Jan 7, 2021 11:34 AM
ياتري إحساسك إيه ؟ لحظه فيها كنت حاير والخُطي بترسم دواير ياتري إحساسك إيه ؟ لحظه فيها كنت حاير والقلق عدي الحدود منتظر بس البشاير حد ييجي يطمنك لحظه ويعود وانت صابر ع الثواني وع الدقايق صبر قايد في الصدور زى االحرايق ياتري إحساسك إيه ؟ وانت رايح وانت جاي وانت بتقول ألله حي واللي حواليك يسألوا ياتري إيه اللي جاي ؟ وانت بتعيش الآهات رُحت باصص بس ليهم وانت عاوز تنفجر بس تفكيرك بيشغى... لا مناص دي حاجات صارت قديمه فات عليها سنين خلاص وماعدلهاش في الدنيا قيمه واد و بت؟ مش مهم المهم الخِلقه بس تكون سليمه والاهم يكون على ايدهم خلاص ياتري إحساسك إيه ؟ لما تحمل فوق دراعك حته منك وانت حاضنه بكل شوق وبحنان الكون تضمه شكله زيك ؟ مش مهم ولا شكله زي أًمه ياتري إحساسك إيه ؟ لما تسمع أحلي كلمه كلمه قالوا إنها في الأصل نعمه قالوا برضه في حُسنها زي القمر في ليله ضلمه حلم يسرح فيه أمير وينتشي فيه الغلابه ياتري إحساسك إيه ؟ لما أول مره تسمع حد بيقولك يابابا
الكاتب: أشرف فايز
0المفضلة
8480 المشاهدات
0 تعليقات