دخول
تسجيلباين عليا كبرت
Jan 7, 2021 11:34 AM Jan 7, 2021 11:34 AM
مش الشعر لابيض اللى باين فى راسى وفى دقنى ومش التجاعيد ... اللى فارت فجأه على وشى ومش التنيه السوده... اللى بتوسع تحت عنيا مش كل دا على بعضه الصندوق الملوِّن الزاهى الفاضى اللى شايله بتاع البيانولا مش حنية الضهر ولاالسفر كل يوم ل "شبين" ولا الخساره فى الطاوله على القهوه مش كل دا على بعضه هايحلم بالمسامير اللى مدقوقه فى روحه وبعلب الورنيش اللى بتترقص جنبها الجزم ويقوم مفزوع م النوم مش قلة الفلوس فى جيبه ولا شقاه رايح جاى للمطبعه ولا الوش اللى بيلبسه تمن ساعات ويمكن اكتر مش كل دا على بعضه أو يمكن كل دا خلاه يقول لنفسه وهوَّ ماشى باين عليَّا كبرت ..
الكاتب: مسعود شومان
0المفضلة
7634 المشاهدات
0 تعليقات