دخول
تسجيلهرج الفراغات
Jan 7, 2021 11:34 AM Jan 7, 2021 11:34 AM
الرفيق اللي ليا غبت ما يحمي قفاي جل من لا صرت حاضر ماني في حاجته أحتمي دوري ودور القبيله من وراي جمّدوا هرج الفراغات يا هراجته كانها بمصامخ الروس ولا باي باي خلوا الفلم المدبلج على دبلاجته طول عمري ما استمع من ضعيف الراي راي ولا طمعت بديك خيبر ولا دجاجته العداوه شي عادي تجيني من عداي من نسج نسج العداوات عرفت نساجته وان كلاني مخلب من مخاليب أصدقاي قلت ضاعت صيدته في طرف عجاجته وان ثناها مرةٍ ثانيه جعله فداي لا فسق كلب الخواجه كلا خواجته الارض ماهي ورث ابي والسما ما هو سماي مير الاعوج لاعترض لي عدلت عواجته أفرده وأذوّقه لمستينٍ من عصاي وأدّبه تأديب طفلٍ على دراجته لين ينسى عناد راسه ويذكر مستواي ينتبه ولا يسوهج على سوهاجته في نظره الناس مالون واهوه هاي هاي والمدوّج ما بعد فاق من دوّاجته أبك أنا لو اشرب البحر ما يقطع ظماي وانت مثل الضب يزحف تحت عجاجته
الكاتب: سلطان الهاجري
0المفضلة
6913 المشاهدات
0 تعليقات