دخول
تسجيلخلِّي بالك
Jan 7, 2021 11:34 AM Jan 7, 2021 11:34 AM
خلِّي بالك ده الطريق الكان بيدخل من يمينك يوم ح يطلع من شمالك خلِّي بالك من حريق الدهشة عندك و من جمالك و من سعادة نغني ليها في يوم وصالك و من سنابل ضو مفرهد بيك أخضر باحتفالك *** دي المداين ماخده منك و شايلة نور عينيك مرايا و العواصم في طريق نصرة مشاعرك عاملة من صمتك حكاية يا وردة في كل المواسم و شعلة في عرش السرايا خلِّي بالك من رحيق إحساسي بينك و من شقايا خلِّي بالك من خطاويك المعايا و من مزاياك و خصالك و كل حاجة عليك آية *** و اتذكر إنك في زمانك ربنا اداك السماحة و خلَّى بيك الدنيا فرحة و المسافات سابه واحة و لوحة في عيونك ندية و موجة زاحّة ماخدة من شطك مساحة و في ضفافك إستراحة و البحر عطشان بجيلك و النهار وين لي مثيلك يا أمير دنيا بتعزك يا ملك روحها و رواحها.
الكاتب: معز عمر بخيت
1المفضلة
19433 المشاهدات
0 تعليقات