دخول
تسجيلاحمر العقد
Jan 7, 2021 11:34 AM Jan 7, 2021 11:34 AM
تحت جناح الليل واهدابك السود اهديت لك باسمى المعاني قصيده من خافق ٍ بـ الهام الأشعار ممدود ما ينتهي ما دام حبك رصيده حبك بحر ماله مسافات وحدود واللي ملك مده وجزره يسيده خل الملا هانين بالليل ورقود واسهر معي بابداع فكر ٍ تريده النور من قمرا والالحان من عود والصوت ونة قلب ينبض وريده تعال نزرع ما بقا زهر وورود على جفا وقت ٍ سنينه عنيده ياما سقت صحرا الظما ناس وذود واللي على ساقيك تذبح جريده مسكين من يمشي على درب مسدود عايش على رجوى اماني بعيده كم واحدٍ في دنيته عاش مضهود ما شاف لحظه في حياته سعيده ما صار للمخلوق و الناس معبود الا الذي كل الخلايق عبيده لا شك انا وياك من زود في زود ما قد نقص حبك وقلبي يزيده وش حيلتي لصرت لي شي مفقود مثل السراب اللي يهلك طريده ثرني على حبك من الناس محسود يامن يحلي باحمر العقد جيده
الكاتب: حمد بن عبدالله بن حذيف النعيمي
0المفضلة
17620 المشاهدات
0 تعليقات