فجأه وانا مدري والله من انت حسيتني محتاج ارسل رساله تشرح جروح الظلم والجوع والعنت بين اربعة جدران والحال حاله هدتني الدنيا ياهيه واذعنت للهم في وقتٍ ماطاب فاله برجٍ اساسه صلب وجداره اسمنت بإيدي بنيته صرح يصعب مناله لكن رياح الغدر هدته وانهنت من كل صوبٍ عاتي الريح جاله يوم العرب لانت شديت ما لنت شديت لين اوثقت حبل الصماله اوفيت في عهدي والله ماخنت بس الوفا احيان يحسب جهاله شانت وجيه الناس لكن ماشنت بيضت وجه ابوي ووجيه آله طمنت مذعورٍ ومذعور زبنت طولت بعض رقاب كانت حثاله شاعر وكنت وكنت ياصاحبي كنت شاعر يبي يحدث فالشعر هاله جزلٍ مع الرجال عذبٍ مع البنت اسبح فبحر الشعر وارقى جباله مافادني هذا بالعكس وايقنت اني اهيم بدرب واد الضلاله واليوم طحت وكن مايوم قد صنت الطيب لين اصبحت رمز الشكاله كلن نساني لين بالفعل آمنت اني اقدم طيب واجني نذاله الكل كان يمون واليوم مامنت محدن ذكر معروف مني اعاله بالامس كنت اطول واليوم icant برجي وعاتي الريح بالغدر شاله اكبر قهر ياللي مدري منو انت انك دقيقه تعيش عالناس عاله