دخول
تسجيليا طول صبري
Jan 7, 2021 11:35 AM Jan 7, 2021 11:35 AM
يا طول صبري من الهجران يا خلّي والرّوح منّي ومن همٍّ يكابدها انت الهوى .. وكلّ الكلّ بالكلّي وانت الذي بالهوى روحي تعذّبها ياخلّ غيرك على الدّنيا أنا من لي؟ يا كيف دايم تصدّيني متاعبها مضمون حبّك على الخفرات متعلّي يا من وحوش الخلا تاخذ مقاودها ارحم صويب براه الشّوق معتلّي وجروح راعي الهوى أعيت طبايبها دعواي دعواك دعوىَ مالها حلّي لى طلبة لو بعد مرّه تنفّذها لو بس شوفك بعض لايّام يحصل لي بيزول همّ على نفس يراودها كنّ ابعيانك سهام الموت ينسلّي وخيول جيشك تهدّدني ركايبها إن كان يا زين هذا الحال راضٍ لي حذراك لايّام ما تصفو مشاربها الخدّ نوره بداجي اللّيل مشعلّي يسني على دار باعد به قرايبها العين عين اشقرٍ للصيد متخلّي وانا الذي صِرت في مَدْمات صايدها لا واخساراه حسايفْ ما مضى غلّي واتعبت لاقدام ع الفاضي عمايدها
الكاتب: محمد بن راشد آل مكتوم
0المفضلة
48732 المشاهدات
0 تعليقات