دخول
تسجيلبتغنى ليه عن يوسف
Jan 7, 2021 11:35 AM Jan 7, 2021 11:35 AM
دلدل حبلك وارفع يوسف يا سيّار رزقك درهم معكوك دم نايم ف جيوب التجار أوعى تبص ف عين الحلم لو ما نتاش قد الأسرار يوسف مش غنيوه وفيلم يوسف مش فرق الأسعار يوسف جهل ويوسف علم ورد الجنه وشوك النار ***** بتغنى ليه عن يوسف وتجنن اخواته؟ هوه انت ارحم عليه م اللى ابتلاه بالسر؟ عايز تعد الكواكب.. عِد فى الأحلام عايز تغنى.. غنى عن وسط سايب بين القاهرة والشام وعن حُكام وتجار عفن ورقاصين خُدام مقام الجهل يوسف مالوهش مقام حجر وقزاز ولا مقام مزيكا. ***** وانا اللى ابتليت بحلم يوسف وسوست نفسى لما افتكرتك حنيت لصوتك عذرتك ودورت الشريط القديم. ***** كانت قضيه من قضايا العصر صبحت عجينة الفن ريحه فى الصور.. براويز تحرق أبو الإعجاز بجاز تحرق أبونا ف مصر وبلاد الحجاز إحنا أمم مهزومه ممنوع عليها قراية النص غير فى الصلاة والإذاعة!.
الكاتب: سمير الأمير
0المفضلة
7104 المشاهدات
0 تعليقات