دخول
تسجيلاه يا شطوط التوت
Jan 7, 2021 11:35 AM Jan 7, 2021 11:35 AM
اه يا شطوط التوت نفسى ادوق من تانى طعم الحواديت واشم ريحة البيوت نفسى انام ع الفرن زى زمان فى حضن العجين..الأمان العجين.. الحنان. يادى الحنين الجنان يادى الحنين اللى خدنى من سنين داست على وش السنين من بعد اللى فات فى القلب جفف خلايا الروح انا دلوقتى مين؟ يجوز أكون مدبوح ومش دريان؟ طب سندونى ع الوجع يمكن أكون عيان ... أيوه أكيد عيان ومش ميت ما دمت لسه باحس بالماضى وبحن للى جى وببص حواليا ومش راضى فاالحزن ده يشهد بإنى حى الحزن ده يشهد بإنى حى
الكاتب: سمير الأمير
0المفضلة
7546 المشاهدات
0 تعليقات