دخول
تسجيلاسمحي لي يالغرام
Jan 7, 2021 11:35 AM Jan 7, 2021 11:35 AM
اسمحي لي يالغرام العذب يالوجه السموح ان لزمت الصمت أو حتى لبست الاقنعه اعترف لك ما بقى من عالي الهمه سفوح انحدر كلي مثل طفل تحدر مدمعه من يبي بالله يفتح لي غلق صدره و ابوح ضاقت الدنيا بشاعر طيب قلبه ضيعه ما قبلنا الحظ قولي وين ابارحل وين اروح الصبر ياهو يعذب و الاماني موجعه اه يا جود الحزن وياي و الفرحه شحوح ضايع بهمومي الغبرا بوسط المعمعه اشتكي لوسادتي دنياي واسمعها تنوح كنها بعضي وبعضي وين هو من هومعه ايه انا و العالم المغرور و الياس اللحوح خايض حرب الرياح اللي تسوق الاشرعه مختلط في عبرتي حبر الشقى ودم الجروح ومستوي في نظرتي غرب الوجود و مطعه عودي المبري بقى به من عطايا الوقت روح وفصل خامس حاير بين الفصول الاربعه وراس مالي ذكريات حلم وأمال و طموح لا صديق ولا رفيق ولا طريق واتبعه نوب اسافر في سديد الراي ونب في جنوح مختفي صوت الحقيقه كيف ويش لون اسمعه سامحيني دام هجري واضح كل الوضوح واسمحي لي بالرحيل بلاتذاكر وامتعه
الكاتب: نواف بن فيصل
0المفضلة
35499 المشاهدات
0 تعليقات