دخول
تسجيلوحي الأرق !
Jan 7, 2021 11:35 AM Jan 7, 2021 11:35 AM
متى اكتشفت ان العمر .. " حفنة ورق "؟! مدري متى .. لكني اتذكر تعذيب الشفق وقبلي قطيع من الهجوس؟؟ وخلفي هزيع من "الأرق "! ** واتذكر فـ صبح الهزيع.. ان الفصول تبدلت حتى الربيع.. اقدم جميل فـ دفتري واول عشق يبست زهوره في الخيال .. " إلا السؤال " امتد فـ كتابي .. وف احبابي ..يفتش عن شمال المفترق ** وكان الطريق يضيق مثل المدرسه مثل " الزوايا " اللي تحاصرني ف ( علبة هندسه ) وصار " الأصيل ".. حكايتي .. ودربي الجميل .. الى الهديل الي اللي بدمّي مغرسه اصحى .. اشيله تهمةٍ بالمسّ أو بالوسوسة وانام واصحى اتلمسه .. لاينسرق ** وبعد الدروب ؟.. درب لآخر هالعمر وايام تجمع هالورق .. في دفتري .. من يشتري؟! من يشتري دفتر شعر؟! ويبيعني " ليلة سلام ".. ابغى انام .. ابغى انتصر ليلة على ( حرب الكلام ) ابغى انتصر من يشتري وحي الأرق !
الكاتب: مهدي بن سعيد
0المفضلة
18216 المشاهدات
0 تعليقات