دخول
تسجيلآخر مرة
Jan 7, 2021 11:35 AM Jan 7, 2021 11:35 AM
آخر مره كان ويايا بص فى عينى وتاه جوايا قال من بكره انا راجع بدرى جى وجايب شمس معايا *** لمّا الغربه قطفت وردى دمْعِة عينى جرحت خدى آه ياواحشنى غيابك طوّل اعمل ايه فى الشوق انا وحدى؟ طعم المر لاقيته فى قلبى امتى يكون للغربه نهايه قال من بكره انا راجع بدرى جى وجايب شمس معايا *** كل الشمس ماتغزل نورها يصحى الليل ويهد قصورها تشرق نجمة ذكرى هوانا كف الليل يخنق انوارها واما ربيع العمر بيجرى تصحى طيور الخوف جوايا قال من بكره انا راجع بدرى جى وجايب شمس معايا *** لمى يامطره حبال الشوق اه لودمعى بيطلع فوق كنت ابعت له فـ ليلى سحابه توصل عنده فـ اول ضوء تنزل مطره بحر بيجرى ويجيبه فـ اول سفينايه علشان بكره يرجع بدرى ييجى يطفى النار جوايا
الكاتب: إبراهيم ابو زيد
0المفضلة
10076 المشاهدات
0 تعليقات