دخول
تسجيلمش لزماني
Jan 7, 2021 11:35 AM Jan 7, 2021 11:35 AM
كلمة احبك مش لزمانى كل حروفها مش همانى كدبة كبيرة جرحت قلبى اوعى تقولها وتكدب تانى كلمة احبك مش لزمانى *** مستنية بشوقى وحبى بحر العشق وبحر حنانى لكن قلبك زى المركب زارت قبلى وبعدى موانى باعت فيهم مليون كلمة جايه تبيع لى الوهم اغانى كلمة احبك مش لزمانى *** كنت بدوب من همسة ونسمه كانت البسمة هيه زمانى كنت اتمنى نص الكلمة نص الوردة تملى كيانى وانت جنينه فاتحه بيبانها مافيهاش وردة باقية عشانى كلمة احبك مش لزمانى
الكاتب: إبراهيم ابو زيد
0المفضلة
9709 المشاهدات
0 تعليقات