دخول
تسجيلحابب
Jan 7, 2021 11:35 AM Jan 7, 2021 11:35 AM
حابب تقرب من قلبى قرب وأدخل جواه حابب تقول اللى ف قلبك قوله دأنا باتمنـاه دانا قلبى واهبو للمحبـة وكل عاشق بقلب صافى يميل له قلبى أعشقه وأهواه وأشيله ف قلبى من جواه عشق القلوب إن قدر عافى لو حنة فى الكفوف دافى لو أتوشم ع الأيدين يعافى وكافي فى لم القلوب كافي ياشـهد على عسل صافى قربى ماتخافى دانا حابب ******** حابب أشيلك على صدري وأحمـلك على كتـافى وإن ماضميتك لحضنى حضن الحبيـب دافى ياشهد على عسل صافى قربى ماتخافى دانا حابب ******** حابب أصبـح ع الوشوش اللى باتت تعشش على خلها وأحب أطبطب ع الصبـية اللى عنها تغيب تئـامن لها ياشـهد على عسل صافى قربى ماتخافى دانا حابب ******** حابب أقول دا القول لأهله وقلب الزين يازين أهـله بيدور ع العشق وبيندهله فى قلبك الخير وتستاهله ياشهد على عسل صافى قربى ماتخافى دانا حابب ******** حابب قلبى يشوف وعده يـافرحة عمرى وسـعده لجلك العشـق يفوق حده دانا عاشق حبيبتى مد يده ياشـهد على عسل صافى قربى ماتخافى دانا حابب ********
الكاتب: محمد أسامة البهائي
0المفضلة
7002 المشاهدات
0 تعليقات