دخول
تسجيلياريم
Jan 7, 2021 11:35 AM Jan 7, 2021 11:35 AM
ابكي وعيني تسهر الليل ياريم مادري بلاها الشوق وإلا الظليمه ياريم دمع العين مدري على الريم والا على قلباً تواكل صميمه تقول لاطمني على نونها سيم ابكي وعندي لأزرق الدمع قيمه ويمكن يكون الدمع للعين تكريم ويمكن يكون إلها عذاب وحريمه والله يالولا دمعةٍ كنّها الديم راحت ضلوعي من عذابي حطيمه ودم البكا ياريم مافيه تحريم ياعنك والله لأرخص الدمع شيمه وابكي على حالي من الوجد واهيم لين الزمن يخلف عليّه نسيمه ابكي حياةٍ صافيه مابها غيم وين المحبه والقلوب السليمه ابكي قهر وابكي من الغبن والضيم وابكي من إطعونٍ بقلبي قديمه غدر الزمن خلاّ بوجهي مراسيم ومايذبح الرجّال مثل الهزيمه بعض المصايب شرّها ياكل الهيم وشلون بكبود الرجال الكريمه وبعض المصايب يخلفنّ المفاهيم تبغى على ماقيل صبر وعزيمه مظلوم بالدنيا وغيري مظاليم من عرض ناسٍ لبّسوهم جريمه ماعاد ابي من سود الأيام تعليم عقب العذاب اللي كلاني جحيمه ولو تصفي الدنيا عليّ الملازيم ماعاد ادوّر من وراها غنيمه
الكاتب: ممدوح المرزوقي
0المفضلة
21683 المشاهدات
0 تعليقات