دخول
تسجيلالأعراف
Jan 7, 2021 11:35 AM Jan 7, 2021 11:35 AM
دلدلت نفسى ? لجل اطول الأرض ? و لقيت المدى ? واسع كأن الأرض مش عايزانى احصّلها بقيت محتار ? ما بين باب السما المقفول ، و بين .. خطوة .. بتطردنى معلّق ? بين طلوع الروح ، و بين .. الخلد .. فى البرزخ ، و مختلّ التوازن ? بانكفى ? فوق خطوتى ، و باختفى .. عن عينى .. خلف الأمكنة تلعب بكوم قشّى .. الرياح ، و الصرخة تبلعها السّحب ، و ملامحى تبهت ? من غبار الأسئلة لحد إمتى هاعيش رهين المرحلة ؟؟ واقف على الأعراف ? بادوّر ?? عالمصير يتبلّ ريق روحى ? بطعم الاحتضار ، و عيونى تتزغلل ? بأشباح الرؤى ، و لمعة الضلمة ، و ادوّر .. تحت رجليّا على مربع ثبات .. أدق فيه ? وتدى ، و دايخ ، و ابتديت اشعر ? بسرسبة الحواس ، قلقان ? على روحى ? لا تتعب برضه من بعدى ، و ترفضها السما و تنطرد ? م الأرض ، و يتم اعتقالها و تنصلب ? زيّى ? على الأعراف
الكاتب: عبدالناصر حجازي
0المفضلة
6098 المشاهدات
0 تعليقات