البحر : مجنون ...! واللهجه : فظيعه والموسيقى عاليه .. والقاف " لول " الحروف حتوف والنبره سريعه و( الغريبه) خلف .. " تسجيل الدخول " يالغريبه ... غربة الشاعر شنيعه لاغدى يقدر يطول ولا ينول.! النفوس اثقل من الارض الوسيعه والعقول افرغ من جلود الطبول ( الحداثه) : شوهت وجه الطبيعه و( الأ صوليه ) على غير الأصول و( الثقافه ) : مارست دور الخديعه والشعوب تدووور بانصاف الحلول و( الصحافه) : تشري الجهل وتبيعه و( الكراسي) حايره بين الفحول : الردى ماهو جزا "رد" الصنيعه لكن .. ! شلون ابفهّم هالخبول؟ حملوني فوق مالا استطيعه !! لين صرت لأضعف كتوفي حمول ! ويش اقول .. ؟ و باقي الاشيا خليعه . !بين ذولاك .. و هذولاك ... وهذول ! صدقيني .. كل شاعر له هزيعه .. !! بس انا رغم انتصاراتي خجول كل ماطاحت من عيوني مذيعه قلت : وين القا مثل هاك .. البتول ؟؟! قالت امي لاعصاك الوقت طيعه قلت : وان ماطاع .!؟قالت وش تقووول ؟؟ بالك . ! السرّ اللي بصدرك تذيعه لو تناهشك النواظر بالفضول كل واحد من عيالي له طبيعه ! وانت من صغرك .. على .. كبرك عجول والله اللي نّزل احكام الشريعه لو تقول اللي تقول ... او ماتقول لا تنكّر.. كل متبوع لتبيعه مايفوز اللي تبع غير ( الرسول)