دخول
تسجيلماوحشتك ياوطن
Jan 7, 2021 11:36 AM Jan 7, 2021 11:36 AM
ما وحشتك يا وطن؟ قلْ لي وحشتك قل علي السبعان هالجافي وحشني قلْ لي اني يوم انا طفل افترشتك لين غطّاني جميلك وافترشني واغفر ان جاوبت انا بصدري نقشتك وَرّني بك صخر في صدره نقشني قلْ لي انّي عشْت بك واقول عشتك قل لي ارجع عيش بي واقول عشني! قلْ دوشتك والله اني ما دوشتك غير من قلب ٍ يلبي لك دوشني قلْ ربشتك والله اني لو ربشتك.. هرْج ، مااحد ٍ فيك بهْروجه ربشني واشهد اني عشت ذيب وْلا نهشتك وان ذيب ٍ داخل ضلوعك نهشني يا وطن دمّي شماغك.. وين بشتك غنّ في عيدك ترى صوتك نعَشني وكان صدرك ضاق بالشعر وبلشتك والله ان الشوق في الغربه بلشني ليتني ما حِشْت شيّ وبس حشتك والا حِشْت اللي أحوش وقلت حِشْني البلا انّي أشعر انّي ما وحشتك وانت والله كل شي ٍ بك وحشني!
الكاتب: علي السبعان
0المفضلة
22140 المشاهدات
0 تعليقات