دخول
تسجيلالذلول اليتيمه
Jan 7, 2021 11:36 AM Jan 7, 2021 11:36 AM
ياهيه قم واخرف رطب صفر لعذوق الفكر ذاوي والمشاعر قديمه ودي يذوب الكيف في روعة الذوق واهدي بيوت الشعر لك يا وسيمه مابين طرد الخيل ومغازل النوق ذاك الهوى بأيام وافي وشيمه البارحه في خاطري كنت معشوق واليوم بعدي عنك اصبح غنيمه يامشعل الشمعه كفا قلبي حروق اللي بقا خله لقلبي حشيمه هيا معي نركب من الشعر طاروق نزهه على ظهر الذلول اليتيمه عشقي سما ظلل على الغيم من فوق وعندي على كبر العزيمه عزيمه ماني من اللي حدهم حامي الشوق نفسي على بعض المواقف كريمه اقرع قوي القول بالقول وآفوق واضرب بسيف النصر راس الهزيمه ابني قصور الشعر سيسان وطروق ونجم الثريا صار راسي لزيمه تصادم السحاب وانشقّت ابروق وما ظنتي ذبح المشاعر جريمه ماعاد تلقاني على الأرض مرفوق مع النجوم اهناك رزّيت خيمه
الكاتب: حمد بن عبدالله بن حذيف النعيمي
0المفضلة
15366 المشاهدات
0 تعليقات