دخول
تسجيلصباحك عيد
Jan 7, 2021 11:36 AM Jan 7, 2021 11:36 AM
قالت صباحك عيد يانور عيني اقفى شهر طاعه ومقبل شهر خير اليوم عادي لو تصافح ايديني ذنب الهوى مغفور من دون تبرير واليوم عادي لو تناظر بزيني تاخذ اجر قلب ٍ على شوفك ايطير قلت الشعور اللي بدا يحتويني عليه من نفسي على نفسي آغير يابنت جيتك يوم قلتي تبيني وما ظن يلحقني على الوصل تقصير انا عطيتك عهد واخذي يميني يبقى على طول الدهر صاحبك غير الا اذا بارت بوجهي سنيني حطي لذاك الوضع عني معاذير اقول قومي وقّفي واسمعيني اليوم فرحة عيد والعيد تعبير قالت اجل وش تنتظر (سو) فيني بيتين فيها صوّر الحال تصوير قلت ابشري وحي المعاني يجيني ولا نزفته نزف من صافي البير سميته احساسي وقولي حنيني والعيد لين العيد ينعادك بخير
الكاتب: حمد بن عبدالله بن حذيف النعيمي
0المفضلة
15302 المشاهدات
0 تعليقات