دخول
تسجيلظرف موضُوعي
Jan 7, 2021 11:36 AM Jan 7, 2021 11:36 AM
ليش كل مابغيت أوطِّن إيديني ب يديك عن كفِّي .. في كفِّك تغيب .. و تنطفي ليش كل مارسمت ملامحك .. حتى أعرفك ب التراب .. تصير غبار .. وتختفي ؟ ليش السراج سميتك إنت وترتعش برد وتعرِّي برَّا أغنيتي .. وتفك أزرَّة معطفي ؟ ليش أنطرك من كم عمر ؟ من كم صبر ؟ ومن كم جديله حزنها [ مر ] .. وطويل ؟ ومن كم قيض؟ ومن كم غيض .. ألحّفه صدري .. ولاهو يكتفي وأنت اللى ينقال لك ( وفي ) .. أغمِّض عيونى عليك .. وماتفتح عيونك عليّ ليش يالوفي ؟ ليش أهمس لمحبوبتي البيضا وأقول: بنجيب لنا مليون ولد الليله .. ونسنبل بلد تشدّها من شعرها وتقول لها : تلحِّفي .. ليش يوم أكرنفلك سوادي كلِّ ابوه .. وقلت لك : إبنحتفل عند الفجر .. وبتشوفني أوضح كثير .. بعد الظلام كسرتني .. عيَّرتني .. وقلت لي : [ يالعبد وجهك منطفي ] ..؟
الكاتب: مسفر الدوسري
0المفضلة
6331 المشاهدات
0 تعليقات