دخول
تسجيلصباح الفقر
Jan 7, 2021 11:36 AM Jan 7, 2021 11:36 AM
ملتني احوالي كثر ماني احتجت من عاهر ظروفي شويّة كرامه تلجمني الحاجه ليا قمت واسرجت ظني على رجلٍ خذلني كلامه وتذبحني العزه ليا رحت واحرجت نفسي مع اللي ما يذري مقامه تعتب اوآسيني على كذبة ابهجت وجه الزمان اللي لحقني ملامه ياوقت تكفى بس يكفى ترى ازعجت جيبٍ ملته قروش جرحي ندامه موحش عويل الليل لامن تهودجت السرمدي منه ليا اقبل عسامه ابغى السلامه بس يالفجر لا ابلجت قول : لـ صباح الزفت مابه سلامه ماهوب انا اللي من انيني تحشرجت اللي تحشرج من انيني زعامه واللي مصبرني على قولت (افرجت) نفسٍ تموت ولا تموت الكرامه فـ يالله لا تجعلني اطيح لا احتجت فـ يد البخيل / او فـ يدين الهلامه
الكاتب: محمد بن ساقان
0المفضلة
4376 المشاهدات
0 تعليقات