دخول
تسجيلعتاب
Jan 7, 2021 11:36 AM Jan 7, 2021 11:36 AM
ليه امشى حافى ،وانا منبت مراكيبكم ليه فرشى عريان،وانا منجّد مراتبكم ليه بيتى خربان ،وانا نجّار دواليبكم هى كده قسمتى؟ الله يحاسبكم! ساكنين علالى العتب،وانا اللى بانيها فارشين مفارش قصب،ناسج حواشيها قانيين سواقى دهب،ونا اللى ادور فيها يارب ماهوش حسد لكن بعاتبكم من الصباح للمسا،والمطرقه فيدى صابر على دى الاسا ! حتى نهار عيدى ابن السبيل انكسى ، واسحب هرابيدى تتعروا من مشيتى واخجل اخاطبكم ليه تهدمونى وناللى عزكم بانى انا اللى فوق جسمكم قطنى وكتانى عيلتى فى يوم دفنتى مالقيتش اكفانى حتى الاسيّه وانا راحل وسايبكم؟
الكاتب: بيرم التونسي
0المفضلة
19782 المشاهدات
0 تعليقات