دخول
تسجيلمو كفو
Jan 7, 2021 11:36 AM Jan 7, 2021 11:36 AM
وش تفيد القصيده يا زمن وش تضيف ؟ لو نزفنا القصايد للأبد ما انصفو طعنة الغدر في ظهر الوفي و العفيف شفّ جميع الوصايف عندها ما اوصفو لكن احيان في حال انعدام الوليف لا لقيت القرايب و الحبايب جفو ما لك الا الكتابه ديرة ٍ تستضيف قلبك بهالهموم اللي بسماه اعصفو راح صبري و لطمك يا ليالي عنيف يا كثر من وفينا لجلهم ما وفو زمرة الغدر تكسب كل يوم ٍ حليف كنت اظنهم رفايق بالظنون اخلفو بالعفو نمحي الفعل الغبي و السخيف لكن اليوم ما ظني يفيد العفو العفو في نظرهم من سمات الضعيف شوفهم كل ما طال السكوت اقذفو ! مثلي انسان ما ينسى العطا لو رغيف و من وهبناهم الحب الكبير اختفو أصعب اشيا على منهو خفوقه نظيف حاجتين ٍ ويا من تجهلون اعرفو توفي لشخص ثم ٍ تكشفه ( مو شريف ) و تخلص لشخص ثم ٍ تكشفه ( مو كفو )
الكاتب: محمد الجلواح
0المفضلة
12418 المشاهدات
0 تعليقات