سمعت الصوت وكدّر لي سلاتي و لد العين من حالي مباتي يسوق اللوم في قسوة عتابك بلا تقدير للضرف المواتي دخيلك , , هات ما شفته بعينك و لا تسمع من افواه الوشاتي إذا كثر الكلام اصبح أداتك لإقناعي . . ترى صمتي أداتي تجنّب نقل احاديث المجالس و خلّه للحسينات اللواتي , , على تشريح جثّة كل غايب سوالفهن : خذي منّي و هاتي إذا التجريح صار آخر سماتك أنا عسف العنيد اوّل سماتي و لو تغنيك كثرت سخرياتك أنا فقري بها قمّة غناتي وصاتي لك : تمهّل قبل تحكم على غيرك , , و لا تنسا وصاتي لعل المشكله في سوء فهمك يعظّم هون . و يهوّن عواتي تعال اعطيك علم ارض الكنانه علوم اللي مضا . . و اللي بياتي تقول ( القاهره ) : أقدم حضاره و أولها , , بدت فيها حياتي شهدت و شفت مولد كل دوله و الاقدم من مداينكم بناتي و عرفت اجيال مرّتني تتابع ضيوفي . سادتي . شعبي . غزاتي و عاصرت الحوادث كل ابوها تشتتني , , و تجمع لي شتاتي و صارت لي ***** مستقلّه و لي دستور يحكم به قضاتي فصعب انّك تحاول تنتقدني قبل تمييز طيبي من رداتي ألين بزود حتى في كلامي كأن الحرف يجرح لي لهاتي و اشدّ بزود حتى ان المقرّب لجا لله من دورة رحاتي تمر اوضاع تتطلّب مواقف لخصمي السيف , , و لذودي عصاتي و جهلت الفرق في ردّات فعلي و ظنيته تناقض في صفاتي و لو طاوعت مبداك ( التساوي ) خلط وضع التفافي بالتفاتي و اذا صاب الخطا عرش الولايه تولاّ العبد , , و استعبد ولاتي و في التاريخ ما يثبت كلامي تناقلها لكم عني رواتي ( أبو زيد ) انحكم , و افتك أسره بكذذذذذبه طيّحت ملك ( الزناتي ) و اذا ما تفهم المعنى بسيطه ندوّر من يترجم لك لغاتي و اذا سمعك ضعيف ايضاً بسيطه تراقب زين تحريكة شفاتي ترى الهيبه تنجيني المخادع ولو كثّر لي الحلف بغلاتي سليمان اقتفى موته بهيبه تقول افنى و تحكمكم رفاتي و انا من حقي اتصرّف بملكي و اخص اللي أبي و احيا حياتي و لكن التهجّم باعتراضك أفكر فيه حتى في صلاتي لأنك حسب رايك في هجومك تعاتبني على حبّي لذاتي