سبحان الله، الله غالب ، وحرت في الأمر. مقيوس،أو مضروب في خفا، حيرني أمرك. كنسمع عليك الكثير ، كل صفات الشر والغدر . خرج من رواندك بالصدق، جاوبني مالك ساكت؟ * مناش ساكت، طلق ودنك اسمع لا تكون غافل، قرن ارحل بدموا وفوق الأرض در جبيرة وجرحوا دود، * قرن، فيه الفتاين كثرت شعلت ما طفات هدمت الروس ودارت ما بغات. * هم ،هم واحد علينا بغاونا وزيعة فرقوا مابينا من محبة ورهبنو السنة والكتاب وحنا مسيوقن وحاسبنا كلاب. * شعلو حرب الفرارن بالنار زاندة لهيبها يقدي قاصد كل مسلم أو عربي * وحرب الثلالج،تقلاسي كل جيب، الإقتصاد، الرزاق ربي. * غزاو السما ،بالأقمار تجسس. لجموا الفوام بالخراس صنعوا قانون دير عقلك تكمش. سطاو على الأوطان، بكل ما عندهم تنقش. رقموا الرجال في الكنانش، ومافيات عليهم تفتش. واللي ما طاع ، يرميوه في الدهالس حتى يتخنفش. * سبحان الله ، الله غالب الأمر محيرني . شواش الدوم ،لحر الشمس وقاية من وشام الجدود بقات وصاية راهم طربشونا ،وبتروا لنا العناية لسنونا، وجروا بنا للرداية * طوروا الفلايك، الما المالح ليهم نصيب . في الأعماق بناو، وعلى الظهر الجميل نزاهة. توصفهم ذباب، من سمهم كل عربي مسلم يتصاب. لفقوا بالأسباب، طيبوا الزرع للحصاد. * قضاو سنين بحيالة، في مرمتنا ينسجوا الاصحاب. فاتحين بابهم، مرحبين وغارين الاقطاب. قطاب الشر، جروا لآوطانهم الهم والعذاب. * سبحان الله ،الغالب الله ،حرت، واش أنا أحمد ، أو حمايدة، ربما حمادة ،يمكن حمودة ، واقلاه ضاربني الوتودة.