على جدار الزمن تلقى خرابيش والحبر من دمّ عبدالله عطيه ماني مثالي انا شيخ المرابيش وهذا الذي طيّر احبابي عليّه ّ انا اشعث اغبر وصدقاني خفافيش ومصباح ن احمر ورعبوبه طريّه احيا حياتي كذا من طيش في طيش لين الهدايه تجي والاّ المنيه قصايدي عطر بأثواب الدراويش يلقون في شعري الريحه الزكيه ونتقاسم الهمّ والزيتون والعيش حلوه البساطه ولقمتها هنيّه نفسي عزيزه ولو ثوبي من الخيش وما يفتقر صاحب الروح الغنيه امر كل الديار بدون تفتيش وجهي جواز السفر وجهي هويّه هذا انا يالحبيب ولازم اعيش واروح كلي لجمهوري هديّه صرخت في وجهي البارح على ويش؟ حطمتني دون ما يحصل خطيه وانا الذي يوم اضيق اجيك بشويش وافرح بشوفك وكل الغيظ فيّه وانسى انفعالي وماادري ليه انا ليش؟ انسى حقوقي قبل ماألقي التحيه يالشيخ لا تجزي الصادق بتطنيش والله مافي الحشا نية رديّه والشوكه اللي عجز فيها المناقيش عسى إلهي يخليها ضحيه واقول من قلب طزّ ف لقمة العيش ويغنيني الله عن ألف وخمسميه الغيم لا صار ما يروي المعاطيش ليش استحثّه وليش انطر مجيّه؟ فلان لا تحتقر هذي الخرابيش مع تحيات عبدالله عطيه