دخول
تسجيلالأزرق
Jan 7, 2021 11:37 AM Jan 7, 2021 11:37 AM
يالفاتنه, يالطاهره , يالاصيله يالناعمه , يالهاديه , يالخجوله يالظامره , يالراويه , يالطويله يالناعسه , ياأم الرموش الكسوله يالمقبله صبحٍ تعب منه / ليله يالمقفيه ليلٍ يعيبه / خموله تمشين , أقول ان الوطا فيه "ميله" واذا وقفتي , قلت "منهو يقوله؟ " وجهك يسولف عن كثيره / قليله والقل فاضح للاوادم فضوله اذا تكلمتي أعدك بخيله حتى كلامك مايجي بالسهوله ولا حروفك مالها فيك حيله تمرّ شفّتك وتطيح "مهبوله" اذا تبسمتي بروق المخيله تعب يدرّسها الزمان ل فصوله ضحكتك سيل و في عروقي مسيله يالله لا تحرم فياضي وصوله والأزرق اللي فوق جسمك يشيله وده يسولف عن هناه وذهوله كنه (سماء) لولا شجره ونخيله كنه (بحر) وانتي محَاره ولوله فيك الطباع الطاهرات , الفضيله فيك الصفات المغويات , المهوله أحيان , اشوفك كايده مستحيله واحيان , أشوفك مقبله لي عجوله الله يسماح طلتك يالأصيله لا قلت شيء ولا تمنيت أقوله
الكاتب: محمد الحويماني
0المفضلة
3216 المشاهدات
0 تعليقات