دخول
تسجيلليت الولد
Jan 7, 2021 11:37 AM Jan 7, 2021 11:37 AM
ليت الولد كمّل الدنيا على الدوّه ينبت عليه الندى والعشب وهو غافي وإن غمّض عيونه ونام وطفى ضوّه تلعثم النور فنجوم السما الصافي عذبٍ تشيطن ملاكه وامتلا جوّه وارتجت الأرض فيه وردّ لأطرافي ما ظل له حول في جلدي ولا قوّه ترك لي البير يملا دلوه السافي يلعنك عمرٍ معك ما تكمل الخوّه خليتني لليباس وقلت لي كافي هذا انت وما تقدر تسّويه بي سوّه انا فتيلٍ وهذا عالمٍ طافي للريح جلدٍ طرٍّي وكان متشوّه في دم هاك الصغير اليّن الحافي العمر ما عاد ينفع ليته ولوّه وكاد ما هو غطاي ولا هو لحافي صار العصا .. في جميله راعي مروّه ياما تسنّد عليه من التعب وافي كبرت ورد الولد غير وكثر سوّه بعضه غدا شيب وبعضه كان بي دافي
الكاتب: فهد دوحان
0المفضلة
4888 المشاهدات
0 تعليقات