دخول
تسجيلجيت القصيد
Jan 7, 2021 11:37 AM Jan 7, 2021 11:37 AM
مرثية الشاعر : حمد عبدالرحمن المغيولي رحمه الله جيت القصيد ولا لقيت القصايد شال الحزن كل المواعيد منها مابه جماعاتٍ ولابه فرايد أقفن أو أقفى داعي القيل عنها أقفن وأشوف الدمع ينزل بدايد للشاعر اللي في بيانه فتنها تبكي حمد بدموع مثل الوقايد تسيل كن الدمع يحرق وجنها الشاعر اللي حط شعره قلايد في صدرها في كفها في بدنها الشاعر اللي وإن بغى اللعب قايد يقضب زمام الملعبه مع رسنها هو سيد القيفان للقاف رايد حلو البيوت اللي براسه وطنها تبكيه من دم الجروح الجدايد واللي به جروح قديمه دفنها ويبكيه من حوله ويبكيه نايد وتبكي عليه أشعار فكره وزنها ويبكيه ليلٍ عاف نوم الوسايد وتبكي نجوم في جبينه حضنها والموت حق وكل مخلوق بايد والروح ما تاخذ نفس عن زمنها في رحمه الله يا حبيب القصايد ندعي لك بكل الفروض وسننها وفي جنة الفردوس خير الوعايد تنزل بها مع كل مسلم سكنها
الكاتب: عبدالعزيز العبدالله السناني
0المفضلة
2456 المشاهدات
0 تعليقات